សិល្បៈអន្តរជាតិ៖ ថ្មីៗនេះ កញ្ញា Taylor Swift កំពូលតារាចម្រៀងដ៏ល្បីឈ្មោះរបស់អាមេរិក មិនត្រឹមមានឈ្មោះជាតារាចម្រៀងប៉ុបធម្មតាទៀតនោះទេ តែនាងបានទទួលងារជា «មហាសេដ្ឋិនី» បន្ថែមលើឈ្មោះជាតារាចម្រៀងរបស់ខ្លួន។
យោងតាមការផ្សាយពីសារព័ត៌មានល្បីៗរបស់អាមេរិកបានប្រកាសនៅក្នុងសប្ដាហ៍នេះថា Taylor បានជាប់ក្នុងបញ្ជីឈ្មោះលើតារាង Bloomberg Billionaire Index ដោយទទួលបានងារជាសេដ្ឋិនី ព្រោះទ្រព្យសម្បត្តិសរុបរបស់តារាស្រីសក់ទង់ដែងរូបនេះត្រូវបានគេប៉ាន់ប្រមាណឃើញថាមានចំនួនកើនលើសពី ១.១ពាន់លានដុល្លារហើយនាពេលបច្ចុប្បន្ន។
មែនទែនទៅ ទឹកប្រាក់ដ៏ច្រើនសន្ធឹកសន្ធាប់របស់តារារូបនេះគឺមួយចំណែកបានមកពីការលក់សំបុត្រប្រគំតន្ត្រី The Eras Tour របស់នាងតែនៅអាមេរិកខាងជើងមួយប៉ុណ្ណោះគឺ មានតម្លៃរហូតដល់ ២.២ពាន់លានដុល្លារទៅហើយ៕
