ក្លិបបាល់ទាត់ភ្នំពេញក្រោន បានធ្វើដំណើរទៅដល់ប្រទេសអូស្រ្តាលីហើយ កាលពីថ្ងៃទី៧ វិច្ឆិកា ដើម្បីចូលរួមប្រកួតជើងទី២ ជាមួយក្រុម Macarthur FC នៅថ្ងៃទី៩ វិច្ឆិកា វេលាម៉ោង ០៧:០០នាទីយប់ (ម៉ោង៣នៅកម្ពុជា) នៅកីឡដ្ឋាន THUWUNNA STADIUM (YANGON) នៃពានរង្វាន់ AFC Cup 2023/24។
មុនប្រកួតមកដល់គ្រូបង្វឹកភ្នំពេញក្រោន លោក Oleg Starynskyi បាននិយាយក្នុងសន្និសិទមុនការប្រកួតជាមួយក្រុម Macarthur នៅប្រទេសអូស្រ្តាលីថា ៖«យើងចង់ឡើងទៅកាន់វគ្គបន្ត ដូច្នេះការប្រកួតថ្ងៃស្អែកនេះគឺជាការប្រកួតដ៏សំខាន់សម្រាប់យើង។ នៅពេលនេះ យើងមានឱកាសក្នុង ការឡើង ទៅជុំបន្ទាប់ ដូច្នេះយើងសង្ឃឹមថានឹងអាចធ្វើវាបាន ហើយវានឹងក្លាយទៅជារឿងប្រត្តិសាស្រ្តផងដែរ»។
គ្រូបង្វឹកសញ្ជាតិ អ៊ុយក្រែន វ័យ ៣៧ឆ្នាំរូបនេះបានបន្ថែមថា៖ «អ្វីៗដែលកើតឡើងពីមុនយើងមិនផ្តោតអារម្មណ៍ទេ បើទោះបីជាយើងឈ្នះគេ ៣-០ ក៏ដោយនៅក្នុងដីរបស់យើង។ ស្អែកនេះគឺជាការប្រកួតដ៏ពិបាកបំផុត។ ខ្ញុំរំពឹងថាវានឹងក្លាយជាការប្រកួតដែលលំបាកខ្លាំង Macarthur គេចំណេញច្រើនសម្រាប់ការប្រកួតក្នុងដីនេះ ប៉ុន្តែយើងក៏ត្រូវរក្សាគុណភាពនៃការលេងរបស់យើងដូចគ្នា។ យើងបានធ្វើដំណើរច្រើនម៉ោងណាស់ដើម្បីមកដល់ទីនេះ ហើយមានភាពខុសគ្នាច្រើនទាំងអាកាសធាតុ និងទីតាំងផងដែរ ដូច្នេះវាជារឿងពិបាក»។
រំលឹកថា ប្រកួតជើងទី១ ក្លិបបាល់ទាត់ភ្នំពេញក្រោន បានយកឈ្នះក្រុមខ្លាំងអូស្រ្តាលី Macarthur FC ក្នុងលទ្ធផល ៣-០ នៅកីឡដ្ឋានជាតិ (ស្តាតអូឡាំពិក) ប្រកួតទី៣ នៅយប់ថ្ងៃទី២៦ ខែតុលា វគ្គជម្រុះ ឡើងឈរកំពូលតារាងពូល F នៃពានរង្វាន់ AFC Cup 2023/24៕
សម្រាប់កម្មវិធីប្រកួតក្នុងពូល F រួមមាន៖