សិល្បៈជាតិ៖ ស្នេហារវាង ទ្រី ដាណា និងគូដណ្ដឹង រស់ រាជ្ជសាល ហាក់ដូចជាមានអាថ៌កំបាំងខ្លាំងណាស់ មុននឹងឈានដល់ពេលដឹកដៃចូលពិធីចែចូវ ព្រោះសូម្បី ឆឹម សក្កដា ដែលជាមិត្តស្និទ្ធិរបស់ខាងប្រុស ក៏ចេញមកទម្លាយដែរថាមិនដឹងពីទំនាក់ទំនងស្នេហាអ្នកទាំងពីរដែរ។
យោងតាមការលើកឡើងរបស់តារាសម្ដែង ឆឹម សក្កដា គូដណ្ដឹងរបស់អ្នកនាង ពេជ្រ សោភា បុគ្គលដែលមានភាពជិតស្និទ្ធិនឹងលោក រស់ រាជ្ជសាល ក៏បានលើកឡើងដែរថាលោកមិនបានដឹងពីទំនាក់ទំនងស្នេហារបស់អ្នកទាំងពីរទាល់តែសោះ៖ «ពួកម៉ាកខ្ញុំរៀបការហើយ។ ធ្លាប់តែដើរលេងជុំគ្នា ទៅណាមកណានែ៎ក៏ទៅមានគ្នា តែពេលនេះថាខ្ញុំនៅកំព្រាព្រោះតែពួកម៉ាកខ្ញុំគេរៀបការហើយ បាត់មុខមួយរយៈសោះមានស្នេហាពេលណាយីស privateម៉េះវើយ ជួបមុខភ្លាមមិននិយាយច្រើនឡើយហុចធៀបអោយហើយ នែ៎កពួកម៉ាកហៅការ….(និពន្ធអោយហើយទុកច្រៀងថ្ងៃការពួកម៉ាក)។
មែនទែនទៅ ស្នេហារវាងអ្នកនាង ទ្រី ដាណា និងគូដណ្ដឹងគឺជាព័ត៌មានដែលធ្វើឱ្យចង្កោមអ្នកតាមដានសាច់រឿងតារាក្រឡាប់ចាក់និង នឹកស្មានមិនដល់ ព្រោះកន្លងមកដូចជាមិនមានតម្រុយណាមួយពីទំនាក់ទំនងផ្អែមល្ហែមរហូតឈានដល់ចូលរោងជ័យភ្ជាប់ពាក្យជាមួយគ្នាទាល់តែសោះ៕