ឆ្លងកាត១០សប្ដាហ៍មកនេះឃើញថាខ្សែការពារជនជាតិថៃ SRAYUT SOMPIM របស់ក្រុម Tiffy Army FC ជាកីឡាករកូតារអាស៊ានតែម្នាក់គត់នៅលីគកំពូលកម្ពុជា Cambodian Premier League ដែលអាចបង្ហាញខ្លួនលើទីលានគ្រប់ការប្រកួតពេញ៩០នាទី។
កំណត់ត្រារបស់ SRAYUT SOMPIM ទាំង១០ប្រកួតលើទីលានមកនេះមាន៖
សប្ដាហ៍ទី១៖ ៩០នាទី
សប្ដាហ៍ទី២៖ ៩០នាទី (ពិន័យកាតលឿង១សន្លឹក)
សប្ដាហ៍ទី៣៖ ៩០នាទី
សប្ដាហ៍ទី៤៖ ៩០នាទី
សប្ដាហ៍ទី៥៖ ៩០នាទី (រកបាន១គ្រាប់)
សប្ដាហ៍ទី៦៖ ៩០នាទី
សប្ដាហ៍ទី៧៖ ៩០នាទី
សប្ដាហ៍ទី៨៖ ៩០នាទី
សប្ដាហ៍ទី៩៖ ៩០នាទី
សប្ដាហ៍ទី១០៖ ៩០នាទី
ចំណែកទិន្នន័យកីឡាករសមាជិកអាស៊ានចំនួន១០នាក់ដែលជាសមាជិកអាស៊ាន នៅលីគកំពូលកម្ពុជា មាន៖
១) SRAYUT SOMPIM (ថៃ) របស់ Tiffy Army FC បង្ហាញខ្លួន១០លើក ៩០០នាទី រកបាន១គ្រាប់ កាតលឿង១
២) THIHA ZAW (មីយ៉ាន់ម៉ា) របស់ព្រៃវែង បង្ហាញខ្លួន១០លើក ៨០៩នាទី រកបាន៤គ្រាប់ កាតលឿង១
៣) JHON FRITH (ទីម័រខាងកើត) របស់ ISI បង្ហាញខ្លួន១០លើក ៧៦២នាទី រកបាន២គ្រាប់ ឈ្នះ MVP ១លើក
៤) ZENIVIO MOTA (ទីម័រខាងកើត) របស់គីរីវង់សុខសែនជ័យ បង្ហាញខ្លួនបាន១០លើក ៦២២នាទី
៥) BUGAS POCHOLO ARELLANO (ហ្វីលីពីន) របស់អង្គរថាយហ្គឺរ បង្ហាញខ្លួនបាន១០លើក ៥២០នាទី រកបាន១គ្រាប់ កាតលឿង១សន្លឹក
៦) MOUZINHO (ទីម័រខាងកើត) របស់វិសាខា បង្ហាញខ្លួនបាន៧លើក ៤៤៧នាទី រកបាន១គ្រាប់
៧) DELWINSER SINGH (សិង្ហបុរី) របស់អង្គរថាយហ្គឺរ បង្ហាញខ្លួនបាន៦លើក ៤០៣នាទី ពិន័យកាតលឿង២សន្លឹក
៨) SOE MOE KYAW (មីយ៉ាន់ម៉ា) របស់ភ្នំពេញក្រោន បង្ហាញខ្លួនបាន៥លើក ៣៨៥នាទី ពិន័យកាតលឿង២សន្លឹក
៩) BOUNKONG BOUNPHACHAN (ឡាវ) របស់ព្រះខ័នរាជស្វាយរៀង បង្ហាញខ្លួនបាន៩លើក ៣០៥នាទី រកបាន៣គ្រាប់
១០) Mursalim Muhammad Rafli (ឥណ្ឌូណេស៊ី) របស់ណាហ្គាវើល បង្ហាញខ្លួន៥លើក ១៥៣នាទី រកបាន១គ្រាប់ ពិន័យកាតលឿង១សន្លឹក
នេះជារដូវកាលដំបូងហើយដែលលីគកំពូលកម្ពុជា អនុញាតិឱ្យក្លិបជាសមាជិកប្រើប្រាស់កូតាកីឡាករអាស៊ាន ខណៈកម្ពុជា ប្រទេសទី៣ក្នុងតំបន់អាស៊ាន ដែលបើកអោយប្រើប្រាស់កីឡាករ ក្នុងតំបន់បន្ទាប់ពី ថៃ ម៉ាឡេស៊ី និងឥណ្ឌូណេស៊ី។ ដូច្នេះកូតាកីឡាករបរទេសនៅលីគកំពូលកម្ពុជា បើកអោយចុះឈ្មោះកីឡាករបរទេសគ្រប់ជាតិសាសន៍៤រូប បូកកីឡាករជាពលរដ្ឋអាស៊ី ១រូប និងកីឡាករជាពលរដ្ឋអាស៊ាន១រូប។ សរុប៦រូប៕
