លោក Nawat Itsaragrisil មេ Miss Grand Thailand បានចេញមកទាមទារឱ្យម្ចាស់ស្ថានីយទូរទស្សន៍ Workpoint ចេញមកទទួលខុសត្រូវ។
មេ Miss Grand Thailand បានចេញមកទាមទារ និង ស្នើសុំឱ្យគណៈកម្មការមើលការខុសត្រូវភាគហ៊ុននិងផ្សារភាគហ៊ុន ត្រួតពិនិត្យទៅលើបញ្ហាការឆ្លងជំងឺកូវីដ-១៩ នៅក្នុងស្ទីតយ៉ូ របស់ក្រុម Workpoint Entertainment ដែលបានកើតឡើងកាលពីខែ មិថុនា ឆ្នាំ២០២១ កន្លងមកថ្មីៗនេះ។
លោក Nawat បានចេញមកប្រកាសថាលោកបានផ្ញើលិខិតទាមទាររួចស្រេចហើយ ដោយលោកបានលើកឡើងថា៖ «ខ្ញុំសុំអង្វរឱ្យម្ចាស់ទូរទស្សន៍ Workpoint ចេញមកបញ្ជាក់រឿងដែលកើតឡើង ឬអធិប្បាយឱ្យត្រង់ដើម្បីលោកបានយល់ ខ្ញុំក៏ចាំដែរថាគេនឹងថាយ៉ាងណាដែរ តែមិនមានអ្វីឆ្ពោះទៅមុខសោះ ខ្ញុំចង់ឱ្យលោកបញ្ញា រលឹកដល់ការធ្វើធុរកិច្ចបែបធម្មាភិបាល ទទួលខុសត្រូវចំពោះសង្គមជាពិសេសរឿង Covid-19 ដែលមនុស្សទូទាំងប្រទេសកំពុងជួបប្រទះ ថ្ងៃមុនខ្ញុំបានឱ្យជំនួយការខ្ញុំខលទៅលេខាលោកបញ្ញា ដើម្បីជំរាបពីដំណើរដើមហេតុ គាត់បានទទួលដឹង តែក្រោយពីនោះមកគេមិនទទួលទូរស័ព្ទទៀតនោះទេ ចង់ឱ្យលោកបញ្ញានឹកដល់ចិត្តគេចិត្តឯង បើសិនជាលោកត្រូវវិញតើលោកយល់ឃើញថាសមគួរមិនសមគួរបែបណា ហើយតើលោកនឹងធ្វើយ៉ាងណាដែរ?»
Big Boss (ប្រធានធំ) Miss Grand Thailand ក៏បានរំលឹកដល់បញ្ហាដែលបុគ្គលិកក្នុងក្រុមហ៊ុន Workpoint របស់លោកមកប្រមូលផ្ដុំគ្នាជេរខ្ញុំ ដែលរឿងមួយនេះលោកបញ្ញាគួរតែពិចារណាសកម្មភាពនិងទង្វើរបស់បុគ្គលិកលោកមិនគួរបណ្ដោយឱ្យបុគ្គលិកប្រមូលគ្នាមកជេរខ្ញុំដោយគ្មានទំនួលខុសត្រូវបែបនេះទេ ធ្វើបែបនេះមិនត្រឹមត្រូវនោះទេ យ៉ាងហោចណាស់គួរឱ្យបុគ្គលិកចេញមកសុំទោស បើមិនចេញមកសុំទោសទេ បង្ហាញឱ្យឃើញថាលោកកំពុងតែបង្កើតវប្បធម៌ប្លែកឱ្យអង្គភាពរបស់លោក គឺអនុញ្ញាតឱ្យបុគ្គលិកជេរអតិថិជនងាយៗមែនទេ?
ទស្សនាវីដេអូព័ត៌មាន មេ Miss Grand Thailand ទាមទារឱ្យម្ចាស់ទូរទស្សន៍ Workpoint ចេញមកទទួលខុសត្រូវ ខាងក្រោម៖