លោក ខេស៊ី បាណេត (Casey Barnett) អនុប្រធានកីឡាចំបាប់កម្ពុជា បានប្រកាសលើហ្វេសប៊ុករបស់លោកនៅរសៀលថ្ងៃអង្គារ នេះថាសហព័ន្ធបានយកលោក Komeil Ghasemi អតីតកីឡាករចំបាប់ជម្រើសជាតិអ៊ីរ៉ង់ ដែលធ្លាប់ឈ្នះមេដាយមាសកីឡាអូឡាំពិកឆ្នាំ២០១២ នៅទីក្រុងឡុងដុង នាពេលកន្លងទៅ។
បុរសវ័យ៣៣ឆ្នាំរូបនេះជាជើងខ្លាំងក្នុងប្រភេទកីឡាចំបាប់វិញ្ញាសា បុរស១២០គីឡូក្រាម មានកម្ពស់ ១.៨៣ម៉ែត្រ។ ក្រៅពីមេដាយមាស នៅកីឡាអូឡាំពិកលោក Komeil Ghasemi ធ្លាប់ឈ្នះមេដាយប្រាក់នៅកីឡាអូពិកទីក្រុង Rio នៅប្រទេសប្រេស៊ីល ផងដែរ។ លោកធ្លាប់ឈ្នះមេដាយប្រាក់ ពាន World Championship 2014 Tashkent និងលោកធ្លាប់ឈ្នះមេដាយនៅកីឡាអាស៊ី Asian Championship ដូចជាមេដាយ នៅឆ្នាំ២០១៤ ក្នុងទីក្រុង Astana ប្រទេសកាហ្សាក់ស្ថាន មេដាយប្រាក់ ឆ្នាំ២០១១ នៅទីក្រុង Tashkent និងឆ្នាំ២០១៥ នៅទីក្រុង Doha។
នេះជាការពង្រឹងធនធានមនុស្សមួយរបស់សហព័ន្ធកីឡាជាតិ ដើម្បីត្រៀមខ្លួនទទួលធ្វើជាម្ចាស់ផ្ទះព្រឹត្តិការណ៍កីឡាស៊ីហ្គេមឆ្នាំ២០២៣ ខាងមុខ៕