ការប្រកួតពានរង្វាន់ Cambodian Premier League រដូវកាល ឆ្នាំ២០២៣ បានបញ្ចប់សប្តាហ៍ទី១២ ស្របពេលដែល Yuta Kikuchi របស់ណាហ្គាវើលដ៍ គឺជាកីឡាករដែលត្រូវពិន័យកាតទី២០០ គិតត្រឹមសប្តាហ៍ទី១២ បន្ទាប់ពីខ្សែបម្រើជនជាតិជប៉ុនរូបនេះ ត្រូវបានលោក ឃិន ឧសីហា ពិន័យកាតលឿងក្នុងជំនួបណាហ្គាវើលដ៍ ឈ្នះព្រះខ័នរាជស្វាយរៀង ក្នុងលទ្ធផល ១-០ នៅកីឡដ្ឋានខេត្តកំពង់ស្ពឺ កាលពីថ្ងៃទី៣ ខែធ្នូ ឆ្នាំ២០២៣។
គួរដឹងថារដូវកាល ២០២២ កន្លងទៅ Yuta Kikuchi ជាកីឡាករត្រូវពិន័យកាតច្រើនជាងគេ រហូត ដល់១០សន្លឹក នៅលីគកំពូលកម្ពុជា អំឡុងជាសមាជិករបស់ Tiffy Army FC។
ស្របពេលនៅក្នុងឆ្នាំ ២០២២ ដូចគ្នានោះខ្សែបម្រើការពារ Alexandre Cardoso ក្នុងនាមជាកីឡាករបឹងកេត ក៏ត្រូវពិន័យកាតលឿងទី២០០ ក្នុងសប្ដាហ៍ទី១២ដូចគ្នា ពេលប៉ះវិសាខា។
តារាងចំណាត់ថ្នាក់ក្រោយគិតត្រឹមសប្តាហ៍ទី១២៖
គិតត្រឹមសប្តាហ៍ទី១២នេះ ក្លិបបាល់ទាត់ព្រះខ័នរាជស្វាយរៀង ស្គាល់បរាជ័យជាលើកដំបូង ក្រោមថ្វីជើងរបស់ណាហ្គាវើលដ៍ នៅជុំទី២ ក្រោយចំណាយពេលអស់ ១២១ថ្ងៃប្រកួតពានរង្វាន់លីគកំពូលកម្ពុជា Cambodian Prmier League រដូវកាល២០២៣-២៤ កាលពីថ្ងៃទី៣ ខែធ្នូ ឆ្នាំ២០២៣៕
