ក្លិបបាល់ទាត់វិសាខា បានប្រកាសចែកផ្លូវជាមួយខ្សែប្រយុទ្ធជនជាតិជប៉ុន Takumu Nishihara ក្រោយបង្ហាញខ្លួននៅក្នុងពានរង្វាន់ League Cup, Super Cup និងលីគកំពូលកម្ពុជា បានចំនួន ១០ប្រកួត រកបាន ៣គ្រាប់ លេងបាន ៦៥០នាទី។
ក្លិបបាល់ទាត់វិសាខា បានប្រកាសចុះកិច្ចសន្យាផ្លូវការជាមួយកីឡាករ Takumu Nishihara ខ្សែប្រយុទ្ធសញ្ជាតិជប៉ុន សម្រាប់រដូវកាលថ្មី ឆ្នាំ២០២៣ កាលពីថ្ងៃទី៧ ខែមករា ឆ្នាំ២០២៣។
មុនចូលរួមជាវិសាខា ខ្សែប្រយុទ្ធវ័យ២៩ឆ្នាំរូបនេះធ្លាប់លេងឲ្យក្លិបជាច្រើនដូចជា៖
- 2015 លេងឲ្យក្លិប Tiamo Hirakata លីគទី៤ជប៉ុន
- 2016 លេងឲ្យក្លិប Ayeyawady United លីគកំពូលមីយ៉ាន់ម៉ា
- 2017 លេងឲ្យក្លិប Nay Pyi Taw លីគកំពូលមីយ៉ាន់ម៉ា
- 2018 លេងឲ្យក្លិប Lao Toyota លីគកំពូលឡាវ
- 2019 លេងឲ្យក្លិប Khon Kaen លីគកំពូលថៃ
- 2020 លេងឲ្យក្លិប Lamphun Warrior លីគទី២ថៃ
- 2020 លេងឲ្យក្លិប Young Elephants លីគកំពូលឡាវ
- 2021/22 លេងឲ្យក្លិប Tiffy Army FC លីគកំពូលកម្ពុជា
ក្លិបបាល់ទាត់វិសាខា ប្រកាសចែកផ្លូវជាមួយលោក Simon McMenemy គ្រូបង្វឹកជនជាតិស្កុតឡែន ក្រោយរួមរស់ជាមួយគ្នាអស់រយៈពេល៣២៧ថ្ងៃ លោក Mcmullen Anthony John គ្រូអ្នកចាំទី និងបាននាំចូលកីឡាករ Victor Blasco ពីអង្គរថាយហ្គឺរ កីឡាករ Hamisi Moham Math ពី Nassjo FF និងកីឡាករ Youssef Ezzejjari Lhasnaou ពី Negeri Sembilan FC និងតែងតាំងលោក មាស ចាន់ណា ជាគ្រូបង្គោលថ្មី។
សូមជម្រាបថា ចំពោះការផ្ទេរកីឡាករជាតិ និងកីឡាករអន្តរជាតិ លើកទី២ (Transfer Window 2) តាមប្រព័ន្ធអនឡាញ (FIFA TMS and FIFA CONNECT) ក្នុងនោះក្លិបជាសមាជិកនៃពានរង្វាន់ Cambodian Premier League អាចបន្ថែមកីឡាករជាតិ បានចំនួន៦រូប រីកីឡាករអន្តរជាតិ បានចំនួន ៣រូប៕
