ក្រុមបាល់ទាត់ Bayer Leverkusen ក្រោមការដឹកនាំរបស់លោក Xabi Alonso បន្តធ្វើបានល្អ ពោលគឺមិនទាន់ស្គាល់រសជាតិចាញ់សោះ ៣កម្មវិធីធំៗផ្សេងគ្នានៅអឺរ៉ុបដូចជា៖ Bundesliga, UEFA Europa League និង DFB-Pokal។
- នៅលីគកំពូលអាល្លឺម៉ង់ Bundesliga៖
ក្រុម Bayer Leverkusen កំពុងឈរនៅកំពូលតារាង ក្រោយឆ្លងកាត់ ១៤ប្រកួត ឈ្នះ១១ ស្មើ៣ មិនដែលចាញ់ មាន៣៦ពិន្ទុ តាមពីក្រោយដោយ Bayern Munich ឈរលេខ២ មាន៣២ពិន្ទុ។
- ពានរង្វាន់ UEFA Europa League៖
ក្រុម Bayer Leverkusen កំពុងឈរនៅកំពូលតារាងពូល H ឆ្លងកាត់ ៦ប្រកួត ឈ្នះទាំង៦ប្រកួត មាន១៨ពិន្ទុ កក់កៅអីវគ្គ១៦ក្រុមចុងក្រោយ។
- ពានរង្វាន់ DFB-Pokal៖
ក្រុម Bayer Leverkusen នឹងត្រូវជួប VfB Stuttgart នៅវគ្គ៨ក្រុមចុងក្រោយ បន្ទាប់ពីឈ្នះក្រុម SC Paderborn 3-1 នៅវគ្គ១៦ក្រុមចុងក្រោយ, ទម្លាក់ក្រុម SV Sandhausen 2-5 វគ្គជម្រុះជុំទី២ និងឈ្នះក្រុម Teutonia Ottensen 0-8 វគ្គជម្រុះជុំទី១៕
