កម្មវិធី Game Show ថ្មីរបស់លោក Simon Cowell គ្រោងនឹងផ្ដល់ប្រាក់រង្វាន់សម្រាប់អ្នកឈ្នះនូវចំនួនទឹកប្រាក់ ៥០០,០០០ផោន ប្រមាណជាង៦០ម៉ឺនដុល្លារ។
លោក Simon Cowell មិនត្រឹមតែជាម្ចាស់កម្មវិធីនោះទេតែលោកក៏ជាអ្នកចេញគំនិតនិង Format កម្មវិធីល្បីៗលំដាប់ពិភពលោកដូចជា GOT TALENT និង THE X FACTOR។ សម្រាប់កម្មវិធីថ្មីដែលលោកត្រៀមនឹងរៀបចំនោះមានឈ្មោះហៅថា «In Walk The Line» គឺជាកម្មវិធីប្រកួតសកម្មភាពតន្ត្រី,មានទាំងការច្រៀងទោល ច្រៀងជាក្រុម និងជាវង់តន្ត្រី
កម្មវិធីប្រកួតសមត្ថភាពថ្មីរបស់លោកនឹងមានគណៈកម្មការចំនួន ២រូបទៀត ប៉ុន្តែលោកនឹងមិនយកគណៈកម្មការចាស់ៗដូចជា Louis Walsh, Cheryl Cole, និង Sharon Osbourne ប៉ុន្តែផ្ទុយមកវិញ Simon និយាយថាលោកកំពុងស្វែងរកអ្នកថ្មីៗដែលមិនធ្លាប់មានមុខក្នុងកម្មវិធីរបស់លោកពីមុនៗមក។
«Walk The Line» នឹងក្លាយជាកម្មវិធីទីមួយដែល Simon Cowell នឹងបង្ហាញវត្តមានលើកញ្ចក់ទូរទស្សន៍បន្ទាប់ពីដកខ្លួនចេញពីឋានៈជាគណៈកម្មការកម្មវិធី «The X Factor Israel» រយៈពេល ១៨ខែកន្លងមក។
គួរដឹងថាគំនិតថ្មីបង្កើតកម្មវិធីខាងលើនេះ បានកើតឡើងដោយសារ Simon Cowell សម្រេចចិត្តលុបចោលកម្មវិធី The X Factor ដែលបង្កើតឡើងចាប់ពីឆ្នាំ២០០៤ ដល់ឆ្នាំ២០១៨ ប៉ុន្តែកម្មវិធីនេះបានបាត់បង់នូវប្រជាប្រិយភាពទើបលុបសម្រេចលុបចោលតែម្ដងម្ដង។
រំលឹកឡើងវិញទាំងភាគី Simon Cowell និងស្ថានីយទូរទស្សន៍ ITV មិនបានឆ្លើយតបចំពោះសារព័ត៌មានឡើយថាកម្មវិធី The X Factor នឹងវិលត្រលប់មកបើកឱ្យមានការប្រកួតឡើងវិញឬក៏យ៉ាងណានោះទេ?
