យោងតាមសេចក្ដីណែនាំ ស្ដីពីការអនុវត្តគោលការណ៍ «កីឡាគ្មានថ្នាំជក់ -TOBACCO-FREE SPORTS ដែលបានចេញផ្សាយកាលពីថ្ងៃទី២៧ ខែធ្នូ ឆ្នាំ២០២៣ បានបង្ហាញថា៖ ផលប៉ះពាល់នៃផលិតផលថ្នាំជក់មានទំហំធំធេង ជាពិសេសបំផ្លាញសុខភាព ទាំងអ្នកប្រើប្រាស់ និង អ្នកនៅជុំវិញ ដែលទាមទារឲ្យមានការយកចិត្តទុកដាក់ និងការចូលរួមទាំងអស់គ្នា។
ជាតិនីកូទីន និងសារធាតុ គីមីផ្សេងទៀតដែលមាននៅក្នុងផ្សែងថ្នាំជក់ធ្វើឲ្យអន់ថយដល់រាងកាយ បង្កការរំខានដល់ការស្រូបយកអុកស៊ី សែន ប៉ះពាល់ដល់ចរន្តឈាម សួត សាច់ដុំ សន្លាក់ និងខួរក្បាល។ នៅឆ្នាំ១៩៨៨ គណៈកម្មាធិការជាតិអូឡាំ ពិកអន្តរជាតិ (International Olympic Committee-IOC) បានចុះកិច្ចព្រមព្រៀងជាមួយអង្គការសុខភាព ពិភពលោក (WHO) ដោយបានអនុម័ត កីឡាគ្មានថ្នាំជក់ សម្រាប់ការប្រកួតកីឡាអូឡាំពិក ហើយបាន ក្លាយជាវប្បធម៌នៃការប្រកួតកីឡារហូតដល់បច្ចុប្បន្ន។
ដើម្បីលើកកម្ពស់វប្បធម៌ កីឡាគ្មានថ្នាំជក់ និងពង្រឹងសមត្ថភាពប្រកួតជាអតិបរមា និងទប់ស្កាត់ផលប៉ះពាល់ដល់សុខភាពរបស់កីឡាករ កីឡាការិនី អ្នករៀបចំនិងទស្សនិកជនពីការប្រើប្រាស់ផលិតផលថ្នាំជក់ក្រសួងអប់រំ យុវជន និងកីឡា ដាក់ចេញសេចក្តីណែនាំ ស្ដីពីការអនុវត្តគោលការណ៍ “កីឡាគ្មានថ្នាំ ជក់ – TOBACCO-FREE SPORTS” មានចំនួន ៧ចំណុចដូចខាងក្រោម៖
