ដើម្បីអបអរសាទរ ថ្ងៃជ័យជម្នះ ៧មករា ១៩៧៩ ខួបលើកទី៤៥ ដែលជាទិវាមហាជ័យជំនះរបស់ប្រជាជនកម្ពុជាលើបនប្រល័យពូជសាសន៍ ប៉ុល ពត រដ្ឋបាលខេត្តព្រៃវែង បានរៀបចំការប្រកួតកីឡាប៊ូល និងប៉េតង់ ដណ្ដើមពានរង្វាន់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ប្រចាំឆ្នាំ២០២៤ ដែលប្រព្រឹត្តទៅនៅមន្ទីរអប់រំ យុវជន និងកីឡាខេត្តព្រៃវែង។
កម្មវិធីប្រកួតនេះ មានក្រុមចូលរួមប្រកួតប្រជែងចំនួន ៥១ក្រុម នៅក្នុងនោះវ័យចាស់ ចំនួន ២០ក្រុម យុវជន ចំនួន ២០ក្រុម និងក្រុមកីឡាការិនីចមនួន ១១ក្រុម។
ក្នុងនោះឯកឧត្តម សួន សុម៉ាលីន អភិបាលនៃគណៈអភិបាលខេត្ត ក៏បានអញ្ជើញជាអធិបតីក្នុងកម្មវិធីបិទការប្រកួត រួមជាមួយវត្តមាន ឯកឧត្តម លោកជំទាវ អភិបាលរងខេត្ត លោកនាយក នាយករងរដ្ឋបាលសាលាខេត្ត នាយកទីចាត់ការ ប្រធានអង្គភាព មេបញ្ជាការកងកម្លាំងទាំងបី លោក លោកស្រី មន្ទីរ-អង្គភាពជុំវិញខេត្ត លោកអភិបាលក្រុង និងសិស្សានុសិស្សជាច្រើនរូបផងដែរ៕