រថយន្ត Ford Everest ស៊េរីឆ្នាំ2024 បានបង្ហាញវត្តមានជាផ្លូវការនៅក្នុងប្រទេសកម្ពុជា ជាមួយតម្លៃជាង ៧ម៉ឺនដុល្លារ ដោយមកជាមួយការអាប់ដេតប្រព័ន្ធបច្ចេកវិទ្យាថ្មី កាន់តែទំនើបនិងមានភាពងាយស្រួលប្រើប្រាស់ជាងមុនសម្រាប់ស្ថានភាពផ្លូវក៏ដូចជាការប្រើប្រាស់របស់ប្រជាជននៅកម្ពុជា។
រថយន្ត Ford Everest ជំនាន់ចុងក្រោយនេះដែរ បានបំបាក់មកជាមួយបច្ចេកវិទ្យាទំនើបៗ ដូចជាប្រព័ន្ធជំនួយចូលចតដោយស្វ័យប្រវត្តបែបអក្សរ (P) និងបែបអក្សរ (T) រួមទាំងធ្វើការបង្ហាញនូវសមត្ថភាពជើងក្រោម និង កម្លាំងម៉ាស៊ីនម៉ាស៊ូត 2.0L Bi-Turbo ភ្ជាប់ជាមួយប្រព័ន្ធចូលលេខដោយស្វ័តប្រវត្តនៃប្រអប់លេខអេឡិចត្រូនិច ១០វគ្គអូតូ (E-Shifter) និងបច្ចេកវិទ្យាទំនើបផ្សេងៗទៀត។
រថយន្ត នេះក៏នៅតែបន្តបំពាក់ដោយបច្ចេកវិទ្យាឆ្លាតវៃជាច្រើន ដើម្បីបង្កនូវភាពងាយស្រួលដល់អ្នកប្រើប្រាសដូចជា កុងទ័រឌីជីថល 12.4អ៊ីញដែលផ្តល់ទិន្នន័យផ្សេងៗរួមទាំងជម្រើស Mode ទៅតាមស្ថានភាពផ្លូវចំនួន ៦ រួមមាន៖ Normal, Eco, Tow/Hual, Slippery, Mud/Ruts, និង Sand, អេក្រង់ Multi-Touchscreen 12អ៊ីញ ដែលភ្ជាប់ជាមួយបច្ចេកវិទ្យា SYNC4A ជំនាន់ថ្មី ដែលអាចភ្ជាប់ជាមួយនឹង Apple Carplay និង Android Auto តាមរយៈ Wireless និងកាមេរ៉ា 360 រួមជាមួយប្រព័ន្ធសាកថ្មទូរសព្ទឥតខ្សែផងដែរ, ប្រព័ន្ធបើកឃ្លុបក្រោយដោយស្វ័យប្រវត្តដោយគ្រវាសជើង និងចុចបត់កៅអីជួរទី៣ ដោយស្វ័យប្រវត្ត។
កាន់តែពិសេសរថយន្ត Ford Everest ជំនាន់ចុងក្រោយនេះ ក៏នៅតែផ្តល់នូវប្រព័ន្ធសុវត្ថិភាពទំនើបៗចុងក្រោយ ដើម្បីសម្រួលដល់ការបើកបររបស់អតិថិជន ដូចជាប្រព័ន្ធចង្កៀងឆ្លាតវៃដែលអាចរេតាមចង្កូត និងបែងចែកពន្លឺដោយស្វ័យប្រវត្ត ប្រព័ន្ធផ្តល់សញ្ញាគ្រោះថ្នាក់ពេលមានឧបសគ្គ ឬអ្នកថ្មើរជើងឆ្លងកាត់ និងប្រព័ន្ធចាប់ហ្រ្វាំងជាបន្ទាន់ដោយស្វ័យប្រវត្ត ប្រព័ន្ធជំនួយលើដៃចង្កូតបញ្ចៀសចេញពីគ្រោះថា្នក់ ប្រព័ន្ធចាប់ហ្រ្វាំងបន្ទាន់ក្រោយពេលមានការប៉ះទង្គិច។
សម្រាប់ទីផ្សារប្រទសកម្ពុជា រថយន្ត Ford Everest ស៊េរីឆ្នាំ 2024 ត្រូវបានរចនាឡើងដោយយកគំនិត «Built Ford Tough» ដោយផ្តោតជាសំខាន់លើ ភាពធន់ រឹងមាំ ហាប់ណែន ទំនើបទាន់សម័យ និងប្រកបដោយផាសុកភាព។ វាមានជម្រើសពណ៌ចំនួន ៦ពណ៌ រួមមានពណ៌សូកូឡា ពណ៌ទឹកក្រូច ពណ៌ខ្មៅ ពណ៌ប្រផេះ ពណ៌ទឹកប្រាក់ និងពណ៌ស។ សម្រាប់តម្លៃនៃរថយន្ត Ford Everest ស៊េរីឆ្នាំ 2024 ដាក់លក់ប្រមាណជា ៧៥ ៩០០ដុល្លារ៕
