ក្រុមហ៊ុន COSCO SHIPPING Heavy Industry (Yangzhou) ដែលជាក្រុមហ៊ុនគ្រប់គ្រងដោយរដ្ឋា ភិបាលចិន បានបង្ហាញកប៉ាល់កុងតឺន័រដែលដំណើរការដោយថាមពលអគ្គិសនី ដែលអាចធ្វើដំណើរឆ្លងកាត់លើផ្ទៃសមុទ្រ ដ៏ធំបំផុតដែលមិនធ្លាប់មាន ដែលមានឈ្មោះថា Green Water 01។
កប៉ាល់កុងតឺន័រ ដំណើរការដោយថាមពលអគ្គិសនី ដ៏ធំនេះវាមានឈ្មោះថា Green Water 01 ជាកប៉ាល់កុងតឺន័រអគ្គិសនី COSCO Shipping មានប្រវែង ១១៩.៨ ម៉ែត្រ មានទទឹង ២៣.៦ ម៉ែត្រ និងជម្រៅ ៩ម៉ែត្រ។
កប៉ាល់កុងតឺន័រនេះ បានបំបែកកំណត់ត្រាថ្មីនៅក្នុងវិស័យដឹកជញ្ជូនឧស្សាហកម្មលើផ្ទៃសមុទ្រ រួមទាំងប្រវែង ទទឹង សមត្ថភាព ដែលមានមានទម្ងន់ធ្ងន់ (ជាង ១០,០០០ តោន) និងសមត្ថភាពថ្ម (លើសពី ៥០,០០ kWh)។ វាអាចដំណើរការក្នុងល្បឿនអតិបរមា ១៩,៤ គីឡូម៉ែត្រក្នុងមួយម៉ោង (១២ ម៉ាយក្នុងមួយម៉ោង)។
កប៉ាល់កុងតឺន័រ អគ្គិសនីដំណើរការលើថាមពលថ្មធំលើសពី 50,000 kWh។ វាក៏អាចបន្ថែមចំនួនថ្មដែលវាប្រើ ដោយអាស្រ័យលើរយៈពេលដែលកប៉ាល់ធ្វើដំណើរ។ ជាឧទាហរណ៍ ។គេអាចបន្ថែមប្រអប់ថ្ម ២០ហ្វីតបន្ថែម ដែលថ្មនីមួយៗផ្តល់ថាមពលអគ្គិសនី ១,៦០០ kWh ដើម្បីជាត្រូវការរបស់កប៉ាល់។
លោក Wang Jun ប្រធានគ្របគ្រង់កប៉ាល់ Green Water 01 បានប្រាប់ CCTV ថា៖ នៅពេលដែល កប៉ាល់កុងតឺន័រនេះ ត្រូវបានបំពាក់ដោយប្រអប់ថ្មចំនួន ២៤ពេញលេញ វាអាចបំពេញការធ្វើដំណើរដោយប្រើថាមពល ៨០,០០០kWh ។ សមត្ថភាពនេះគឺដូចគ្នានឹងការដុតឥន្ធនៈ ១៥តោនសម្រាប់ការធ្វើដំណើរស្រដៀងគ្នានៅក្នុងកប៉ាល់កុងតឺន័រធម្មតា។
ក្រុមហ៊ុន COSCO Shipping បានបញ្ជាក់ថា Green Water 01 អាចសន្សំសំចៃប្រេងបាន ៣,៩០០ គីឡូក្រាម (៨,៦០០ផោន) សម្រាប់ការធ្វើដំណើររាល់ ១០០ម៉ាយល៍ដែលវាធ្វើដំណើរ ដោយកាត់បន្ថយការបញ្ចេញកាបូនឌីអុកស៊ីតបាន ១២,៤តោន។ បន្ទាប់ពីការបើកដំណើរការដោយជោគជ័យ Green Water 01 បានចាប់ផ្តើមផ្ដល់សេវាកម្មប្រចាំសប្តាហ៍ រវាងទីក្រុងសៀងហៃ និងណានជីង៕
