កម្មវិធីតេឡេក្រាម -Telegram គឺជាបណ្ដាញសង្គមមួយដែលកំពុងមានភាពពេញនិយមប្រើប្រាស់នៅទូទាំងពិភពលោក ពិសេសនៅប្រទេសកម្ពុជា ក្នុងការទំនាក់ទំនងគ្នាទៅវិញទៅមក តាមរយ:ការងារ កម្សាន្ត ចែករំលែកចំណេះដឹង និងស្វែងរកជាដើម។
ទន្ទឹមនិងមានភាពពេញនិយមប្រើប្រាស់នេះដែរ ក៏ព្រោះតែកម្មវិធីតេឡេក្រាម -Telegram មានភាពងាយស្រួល ឆាប់រហ័យ និងជាបណ្ដុំមុខងាយរជាច្រើនសម្រាប់អ្នកប្រើ។ ក្នុងនោះដើម្បីអោយអ្នកប្រើប្រាស់ការតែមានភាពងាយស្រួល ថ្ងៃនេះ ត្រយង បច្ចេកវិទ្យា សូមបង្ហាញគន្លិះខ្លីមួយពីរបៀបបង្កើតនូវ Chat Folders ដើម្បីងាយស្រួលគ្រប់គ្រង និងបែងចែកការសន្ទនានៅលើកម្មវិធីតេឡេក្រាម។
ដូចនេះប្រិយមិត្តអាចធ្វើតាមជំហ៊ានដូចខាងក្រោម៖
១. បើកកម្មវិធី Telegram នៅលើ ទូរសព្ទរបស់អ្នក រួចចូលទៅក្នុងកន្លែង Setting និងចុចពាក្យ Chat Folder
២. ចុចពាក្យ Create Folder ដើម្បី ចាប់ផ្តើមបង្កើត Folder
៣. ដាក់ឈ្មោះសម្រាប់សម្គាល់ Folder ឧទាហរណ៍ ៖ (បង្កើត Folder ឈ្មោះ “Lesson”) រួចចុចពាក្យ Add Chat
៤. ជ្រើសរើសឆ្លាតដែលពាក់ព័ន្ឋចូល ទៅក្នុង Folder ដែលបានបង្កើត ហើយចុចពាក្យថា Done
៥. ចុចពាក្យថា Create ដើម្បីបង្កើត chat folder បន្ទាប់មកអ្នកនឹងឃើញ Chat folder តាមប្រភេទនីមួយៗ នៅលើផ្ទាំងអេក្រង់ កម្មវិធីតេឡេក្រាម (Telegram)
មូលហេតុអ្វីត្រូវបង្កើត Folder នៅក្នុង កម្មវិធីតេឡេក្រាម (Telegram) ? តេឡេក្រាម Chat folder ត្រូវបានបង្កើតឡើងដើម្បីជួយ សម្រួលអ្នកប្រើប្រាស់ក្នុងការរៀបចំនិងបែងចែកឆាត(chats) ចូលទៅតាមក្រុមនីមួយៗ ដែលផ្តល់ភាពងាយស្រួលក្នុងការ គ្រប់គ្រង ស្វែងរក និងផ្ញើព័ត៍មានឱ្យកាន់តែល្អប្រសើរ៕