សិល្បៈអន្តរជាតិ៖ តារាសម្ដែងស្រីរបស់កូរ៉េ កញ្ញា Han Sohee រាល់ពេលបង្ហាញខ្លួនជាសាធារណៈរមែងស្រូបទាញបានការចាប់អារម្មណ៍ច្រើនពីសំណាក់អ្នកគាំទ្រនិងតាមដានរបស់កញ្ញាជានិច្ច ដូចជាពេលថ្មីៗនេះ នៅក្នុងឱកាសទៅចូលរួមជាកិត្តិយសក្នុងកម្មវិធី Fashion Show Dior Women Haute Couture Spring/Summer 2024-2025 ក្នុងឋានៈជាម្ចាស់ផ្ទះទូតសុច្ឆន្ទៈ Dior តួអង្គស្រីដ៏ល្បីរបស់កូរ៉េរូបនេះ ក៏បង្កើតឱ្យមានការជជែកវែកញែកគ្នាផ្អើលបណ្ដាញសង្គមបាត់ទៅហើយ។
បើតាមរបាយការណ៍របស់ Lefty ដែលជា Platform រួបរួមឯកសារនិងទិន្នន័យទីផ្សារនៃការប្រើប្រាស់សេវាកម្មតារានិង Influencer ល្បីៗរបស់បណ្ដាក្រុមហ៊ុននានាបានចេញមកទម្លាយឱ្យដឹងថា តម្លៃខ្លួនដែល Han Sohee ទទួលបានពីកម្មវិធី Paris Haute Couture Spring/Summer 2024 គឺមិនមែនធម្មតានោះឡើយ ព្រោះតម្លៃខ្លួនដែលស្រីស្អាតកូរ៉េខាងត្បូងរូបនេះទទួលបានមានចំនួន 6,2លានដុល្លារ ឬប្រមាណ 2557 កោតរៀល ពីការបង្ហោះនៅលើ Instagram របស់កញ្ញាដែលមានឈ្មោះថា xeesoxee ដោយបច្ចុប្បន្ននេះមានចំនួន Followers កើនឡើងរហូតដល់ទៅជាង ១៧លាននាក់ ដែលចំនួននេះគឺស្មើនឹងចំនួនប្រជាជនសរុបរបស់ប្រទេសកម្ពុជាយើងមួយប្រទេសទៅហើយ។
សូមជម្រាបជូនថា កញ្ញា Han Sohee មានឈ្មោះកំណើត Lee Sohee កញ្ញាកើតនៅថ្ងៃទី១៨ វិច្ឆិកា ឆ្នាំ1994 ក្នុងសង្កាត់ Ulsan ក្រុង សេអ៊ូល។ ដំបូងឡើយតារាស្រីរូបនេះគ្រាន់តែជាតួអង្គរងនៅក្នុងភាពយន្ត Money Flower (ឆ្នាំ 2017), 100 Days My Prince (ឆ្នាំ 2018), and Abyss (ឆ្នាំ 2019) មុននឹងបានកាន់តំណែងជាតួឯកស្រីនៅក្នុងភាពយន្តភាគ The World of theMarried (2020), Nevertheless (2021)
My Name (ឆ្នាំ 2021) និងចុងក្រោយគេចាប់ដៃគូសម្ដែងជាមួយតារាប្រុសរូបសង្ហា Park Seo Joon ក្នុងរឿង Gyeongseong Creature (2023–2024)៕