ក្លិបបាល់ទាត់ភ្នំពេញក្រោន បានជូនដំណឹងថាកីឡាករ ចន ចំរើន ដែលជាកីឡាករក្រុមយុវជនទើបតែឡើងលេងជាមួយក្រុមឈុតធំបានវះកាត់ប្រកបដោយជោគជ័យលើបញ្ហារបួសសរសៃពួរ ACL (Anterior Cruciate Ligament) នៅព្រឹកថ្ងៃសៅរ៍ ទី ១៤ ខែសីហា ឆ្នាំ២០២១ នេះក្នុងមន្ទីរពេទ្យមួយកន្លែង ស្ថិតនៅរាជធានីភ្នំពេញ។
ក្លិបបានបញ្ជាក់ថាចំរើន ជាសមាជិកដ៏សំខាន់មួយរូបដែលបានជួយក្រុមយុវជនអាយុក្រោម១៨ឆ្នាំលើកពានរង្វាន់យុវជនកាលពីឆ្នាំ២០១៩ ហើយរូបគេបានរបួសក្នុងអំឡុងការប្រកួតពានរង្វាន់លីគទី២ក្នុងជំនួបជាមួយក្រុមសមាគមន៍បាល់ទាត់កងយោធពលខេមរភូមិន្ទ នៅឆ្នាំ២០២០កន្លងទៅ។
«យើងគ្រប់គ្នានៃក្លិបភ្នំពេញក្រោន សូមជូនពរឲ្យខ្សែប្រយុទ្ធវ័យក្មេង ចន ចំរើន ឆាប់ជាសះស្បើយពីរបួស និងអាចត្រលប់មកលើទីលានវិញឆាប់ៗនេះ!»។ សេចក្តីប្រកាសព័ត៌មានរបស់ក្លិបបន្ថែម៕
