ខ្សែបម្រើកណ្ដាលជនជាតិបារាំង Raphaël Varane បានសម្រេចចិត្តចាកចេញពីក្លិបយក្សអេស្ប៉ាញ Real Madrid ដោយចូលរួមជាមួយក្រុមអង់គ្លេស Manchester United ហើយនៅរដូវកាលឆ្នាំ២០២១-២២ ដោយបង្ហាញមុខជាផ្លូវការមុនការប្រកួតបើករដូវកាលនៅកីឡដ្ឋាន Old Trafford ព្រលប់ថ្ងៃសៅរ៍ ទី១៤ ខែសីហា ឆ្នាំ២០២១ នេះ។
កីឡាករវ័យ២៨ឆ្នាំរូបនេះទទួលបានប្រាក់ដោះដូរចំនួន៤១លានផោន ឬ ប្រហែលជាង៥៦លានដុល្លារអាមេរិក ខណៈរូបគេនឹងត្រូវប្រជែងកៅអីគ្នាជាមួយនឹងខ្សែការពារកណ្ដាលចាស់ក្នុងក្រុម Man Utd គឺកីឡាករ Harry Maguire ដែលបានចាប់ដៃគូជាមួយ Victor Lindelöf ក្នុងជំនួបបើកឆាកទទួល Leeds United។
អត្ថបទពាក់ព័ន្ធ៖តារាបាល់ទាត់កូរ៉េខាងត្បូង Heung-Min Son តកិច្ចសន្យាជាមួយ Spur ដល់ឆ្នាំ២០២៥
សមាជិកដែលឈ្នះពានរង្វាន់ជើងឯកពិភពលោក FIFA World Cup ឆ្នាំ២០១៨ រូបនេះ ធ្លាប់ជួយក្រុម Real Madrid ឈ្នះពានរង្វាន់ជាច្រើនដូចជា La Liga ៣លើក Copa del Rey ១លើក Supercopa de España ១លើក UEFA Champions League ៤លើក UEFA Super Cup ៣លើក និង FIFA Club World Cup ៤លើក៕
