ចូលដល់ទំព័រឆ្នាំថ្មី ឆ្នាំ២០២៤នេះ ក្រុមហ៊ុន Apple ត្រូវបានគេរំពឹងថា នឹងបង្ហាញផលិតផលថ្មីរបស់ខ្លួនគឺ iPhones 16 Series ជំនាន់ថ្មី ជាមួយនឹងពណ៌ថ្មី អេក្រង់ធំ និងថ្មធំជាងមុន។ ទូរសព្ទ iPhone 16 មានដំណឹងថា Apple នឹងបំពាក់ Chip ខ្លាំងបំផុតមិនធ្លាប់មាននៅក្នុង Flagship Phone របស់ខ្លួន ដោយ Chip នេះមានកម្លាំងខ្លាំងជាង Chip M3 ទៅទៀត។
យោងតាមព័ត៌មានបែកធ្លាយកន្លងមកថា iPhone 16 ស៊េរីថ្មី អាចនឹងពង្រីកទំហំអេក្រង់ ធ្វើឱ្យប្រសើរឡើងផ្នែកខាងក្នុងជាមួយនឹង Apple Silicon ចុងក្រោយបង្អស់ និងពង្រឹងប្រព័ន្ធកាមេរ៉ា កាន់តែខ្លាំងជាងមុន។ ចំពោះ Chip ដែល Apple អាចនឹងបំពាក់ទៅក្នុង iPhone 16 មានឈ្មោះ ថា A18 Pro Chip ដែលតាមការតេស្តនៅលើ Geekbench វាទទួលបានពិន្ទុ ៣៥០០ ចំពោះ Single-core ហើយចំណែក Multi-core វិញ វាទទួលបានពិន្ទុ ៨២០០។
លម្អិតនូវអ្វីដែលរំពឹងទុកជាមួយ នឹងស៊េរី iPhone 16៖
ការរចនា៖ យោងតាមរបាយការណ៍របស់ MacRumors ការបង្ហាញការរចនាសម្រាប់ iPhone 16 Pro និង iPhone 16 Pro Max ចេញពីគំរូដែលផ្អែកលើការលេចធ្លាយ iPhone 16 Pro អាចរក្សាការរចនារបស់អ្នកជំនាន់មុនគឺ iPhone 15 Pro ជាមួយនឹងការផ្លាស់ប្តូរសំខាន់ៗមួយចំនួន។ MacRumors បានបង្ហាញថា ត្រកូលស្មាតហ្វូនជំនាន់ថ្មីរបស់ Apple នឹងបានឃើញការកើនឡើងនៃទំហំអេក្រង់ ដែលរំពឹងថានឹងមានវិមាត្រធំជាងបន្តិចទាក់ទងនឹងកម្ពស់ និងទទឹងបើធៀបទៅនឹងជំនាន់មុនរបស់ពួកគេ។
លើសពីនេះ Apple ក៏មានពាក្យចចាមអារ៉ាមថានឹងបន្ថែមប៊ូតុង Capacitive Capture ផងដែរ វាគឺជា ប៊ូតុងពិសេសថ្មីសម្រាប់ការថតវីដេអូ។ MacRumors បញ្ជាក់បន្ថែមថា ប៊ូតុងនេះនឹងត្រូវប៉ះនឹងស៊ុមរបស់ iPhone ដោយខុសប្លែកពីប៊ូតុងកម្រិតសំឡេង និងប៊ូតុង បិទ/បើក។
ពណ៌ថ្មី៖ ទាក់ទងនឹងព័ត៌មានលេចធ្លាយបង្ហាញថា Apple នឹងរក្សាការប្រើប្រាស់ Titanium Grade 5 ដែលដូចទៅហ្នឹង iPhone 15 Pro បច្ចុប្បន្ន សម្រាប់ iPhone 16 Pro និង iPhone 16 Pro Max ។ ក្នុងនោះ វានឹងចេញមកជាមួយពណ៌ថ្មី សម្រាប់ iPhone 16 Pro ផងដែរ។
អេក្រង់៖ iPhone 16 Pro នឹងមានអេក្រង់ទំហំ 6.3 អ៊ីង ខណៈដែលបងប្អូនបង្កើតរបស់វាគឺ iPhone 16 Pro Max នឹងមានអេក្រង់ទំហំ 6.9 អ៊ីញ។ ប្រសិនបើរឿងនេះកើតឡើង នេះ iPhone ជំនាន់ថ្មី នឹងវិវត្តន៍ចេញពីអេក្រង់ 6.1 អ៊ីញរបស់ iPhone 15 Pro និងអេក្រង់ 6.7 អ៊ីញរបស់ iPhone 15 Pro Max។ ការពង្រីកទំហំនេះអាចជាភាពចំបាប់ ដើម្បីសម្រួលដល់មុខងារកាមេរ៉ាថ្មីៗដែលរំពឹង នឹងមាននៅលើក iPhone 16៕