ក្រុមហ៊ុន GTV MOTOR ដែលមានកូនខ្មែជាអ្នកវិនិយោគ រួមគ្នាជាមួយនឹងដៃគូវិនិយោគបរទេសមួយចំនួនទៀតនៅកម្ពុជា បានប្រកាសចេញជាផ្លូវការហើយ កាលពីថ្ងៃទី៣ ខែកុម្ភ: ឆ្នាំ២០២៤។ រថយន្តម៉ូដែល GTV មកពីពាក្យ Grand Touring Vehicle សំដៅដល់យានជំនិះ ឬរថយន្តទេសចរណ៍ ដ៏ស្រស់ស្អាត ដែលមានរូបរាងរចនាប័ទ្មជារថយន្តប្រភេទ Hatchback, Sedan, Coupe, SUV, Pick Up ឬ ជារថយន្ត MPV និង Van ជាដើម។
ក្រុមហ៊ុន ជីធីវី ម៉ូធ័រ (GTV MOTOR) ត្រូវបានបង្កើតឡើងនៅឆ្នាំ២០២២ ដោយវិនិយោគិនកូនខ្មែរសុទ្ធសាធ រួមជាមួយនឹងអ្នកវិនិយោគបរទេសមួយចំនួនទៀតនៅកម្ពុជា ដែលមានទំហំទឹកប្រាក់វិនិយោគចំនួនប្រមាណជាង ១៥,៦លានដុល្លារម៉េរិក។ បច្ចុប្បន្ន កំពុងតែមានភាពទាក់ទាញយ៉ាងខ្លាំងពីសំណាក់ប្រជាពលរដ្ឋខ្មែរ ទាំងរូបរាង តម្លៃ ប្រណិតភាព។ ដូចនេះថ្ងៃនេះ សារព័ត៌មាន ត្រយង សូមបង្ហាញតម្លៃរថយន្តជាតិ ដំបូងគេនៅខ្មែរ ទាំង ៤ម៉ូដែលមានដូចខាងក្រោម៖
រថយន្ត GTV KAIN ម៉ាស៊ីន 2.0L ជាប្រភេទ SUV ៧កៅអី មានតម្លៃខ្ទង់ ៣៧ ៩៥០ដុល្លារ ម៉ាស៊ីន 1.6L មានតម្លៃខ្ទង់ ៣៤ ៩៥០ដុល្លារ
រថយន្ត GTV KRUSAR 2.0L ជាប្រភេទ Pick Up Half Option មានតម្លៃខ្ទង់ ២៧ ៩៩៩ដុល្លារ, Full Option មានតម្លៃខ្ទង់ ២៩ ៩៩៩ដុល្លារ
រថយន្ត GTV SOBEN ម៉ាស៊ីន 1.5L ជាប្រភេទ SUV ៥កៅអី មានតម្លៃខ្ទង់ ១៩ ៩៩៩ដុល្លារ
រថយន្ត GTV CAESAE Pro ម៉ាស៊ីន 1.5L ជាប្រភេទ SUV Half Option ៥កៅអី មានតម្លៃខ្ទង់ ២៩ ៩៩៩ដុល្លារ, Full Option មានតម្លៃខ្ទង់ ៣២ ៩៩៩ដុល្លារ និង GTV CAESAE ម៉ាស៊ីន 1.5L ៥កៅអី មានតម្លៃខ្ទង់ ២៣ ៥៩៩ដុល្លារ
ក្រៅពីផលិត និងដំឡើងរថយន្ត បច្ចុច្បន្ន ក្រុមហ៊ុន GTV MOTOR ក៏បាននិងកំពុងរៀបចំ នាំចូលនូវគ្រឿងម៉ាស៊ីន សម្ភារបរិក្ខារ វត្ថុធាតុដើម និងគ្រឿងបំណែករថយន្ត (គ្រឿងបង្គុំ CKD Parts និង IKD Parts សរុបជាង៥០០មុខ សម្រាប់បម្រើឱ្យតម្រូវការផលិតកម្មរោងចក្រដំឡើងរថយន្ត ដែលមានទឹកប្រាក់សរុបប្រមាណជា ៥០លានដុល្លារអាម៉េរិក។
រោងចក្រដំឡើងរថយន្តGTV មានទីតាំងស្ថិតនៅតាមបណ្តោយផ្លូវជាតិលេខ២ ភូមិស្រុកធំ ឃុំជើងកើប ស្រុក កណ្តាលស្ទឹង ខេត្តកណ្តាល ចម្ងាយពីរង្វង់មូលកួរស្រូវក្នុងខណ្ឌដង្កោប្រមាណជា១,៨គីឡូម៉ែត្រ ក្បែរនឹងច្រកចេញចូលផ្លូវស្ពានអាកាសក្រវ៉ាត់ក្រុងទី៣។ ស្ថិតលើផ្ទៃដី ១០ម៉ឺនម៉ែត្រការ៉េ មានសមត្ថភាពដំឡើង និងផលិត រថយន្តប្រចាំឆ្នាំរហូតដល់ ៣៥,០០០គ្រឿង អាចបង្កើតការងារបានប្រមាណជិត ៨០០នាក់ ជូនដល់ប្រជាពលរដ្ឋកម្ពុជា៕