សិល្បៈអន្តរជាតិ៖ កាលពីថ្ងៃទី18 ខែកុម្ភៈ ឆ្នាំ២០២៤ មានរឿងភ្ញាក់ផ្អើលមួយបានកើតឡើង ដោយមានអ្នកទៅចូលរួមកម្មវិធីបានបន្ទោរបង់ នៅក្នុងកម្មវិធីប្រគល់ពានរង្វាន់ រហូតធ្វើឱ្យបណ្ដាញសង្គម X ផ្ទុះចែករំលែក។ ជាការកត់សម្គាល់គេឃើញ Idols ជាច្រើនដួងដែលទៅចូលរួមកម្មវិធីនោះ នាំគ្នាយកដៃខ្ទប់មាត់និងច្រមុះ។
អ្នកលេងបណ្ដាញសង្គមម្នាក់បានសរសេរនៅលើ twitter ថា៖ «មានមនុស្សបន្ទោរបង់ នៅកន្លែងឈររង់ចាំសម្រាប់តារាកិត្តិយស …ពួកគេនិយាយថាសន្តិសុខបានមកពិនិត្យកន្លែងនោះដែរ ហើយពួកគេក៏បានអះអាងដែរថានោះគឺជាលាមក។
អ្វីដែលធ្វើឱ្យអ្នកចូលរួមហួសចិត្តនោះគឺ មិនមានអ្នកសំអាតលាមកដែលហ្វេនបានបន្ទោរបង់ត្រង់កន្លែងនោះ។ តារាកិត្តិយស និងអ្នកទៅទស្សនាត្រូវទ្រាំនឹងក្លិនស្អុយរហូតដល់កម្មវិធីចប់។
អ្នកលេងបណ្ដាញសង្គម X ម្នាក់ទៀតបានសរសេរថា៖ យ៉ាប់ណាស់ សន្តិសុខបានអះអាងថានោះគឺជាលាមក ពួកគេបានយកពិលទៅបញ្ចាំងលើលាមក ប៉ុន្តែពួកគេនិយាយថាពួកគេមិនអាចលាងសំអាតបានទេ ដូច្នេះពួកគេមិនអាចជួយបាននោះទេ។ ខ្ញុំពិតជាមានអនុស្សាវរីយ៍ដ៏អាក្រក់បំផុតជាមួយនឹងកម្មវិធីមួយនេះ។
ជាការទទួលខុសត្រូវបុគ្គលដែលបន្ទោរបង់នោះបានចេញមកសុំទោសចំពោះអ្នកដែលបានទៅចូលរួមកម្មវិធី ដោយបានសរសេរថា៖ សួស្ដីអ្នកទាំងអស់គ្នា ខ្ញុំគឺជាអ្នកដែលបានបន្ទោរបង់នៅក្នុងតំបន់រង់ចាំ…ក្រោយបានមើលបណ្ដាញសង្គម Twitter ធ្វើឱ្យបានខ្ញុំដឹងថាមនុស្សជាច្រើនរងផលប៉ះពាល់ដោយសារតែទង្វើរបស់ខ្ញុំ។ ខ្ញុំទោសដែលធ្វើឱ្យមនុស្សជាច្រើនមិនសប្បាយចិត្ត។ ខ្ញុំនឹងចងចាំថ្ងៃនេះទុក ហើយនឹងកែតម្រូវឡើងវិញ។ សុំទោសម្ដងទៀតដែលខ្ញុំបានបំផ្លាញកម្មវិធីដ៏ល្អនេះ៕
