កាលពីថ្ងៃទី២០ ខែកុម្ភ: ឆ្នាំ២០២៤ សហព័ន្ធកីឡាបាល់ទះកម្ពុជា បានរៀបចំសន្និសីទសារព័ត៌មានស្ដីពីការរៀបចំកម្មវិធីប្រកួតកីឡាបាល់ទះ ៤x៤ ទូទាំងប្រទេស WURKZ SPECIAL VOLLEYBALL CUP 4×4 2024 ដែកគ្រោងនឹងចាប់ផ្ដើមពីខេត្តបាត់ដំបង នៅថ្ងៃទី២៤ ខែកុម្ភ: ឆ្នាំ២០២៤ ខាងមុខនេះ។
កម្មវិធីសន្និសីទសារព័ត៌មាននេះ រៀបចំឡើងក្រោមអធិបតីភាព លោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការ តំណាងឯកឧត្តមអភិសន្តិបណ្ឌិត ស សុខា ប្រធានសហព័ន្ធកីឡាបាល់ទះកម្ពុជា និងអ្នកឧកញ៉ា លាង ម៉េង សហស្ថាបនិក និងប្រធានក្រុមអគ្គនាយកក្រុមហ៊ុន ខ្មែរ ប៊ែវើរីជីស និងមានការចូលរួមពីអគ្គលេខាធិការរង មន្ត្រីសហព័ន្ធ ប្រតិភូដឹកនាំកីឡាករ និងកីឡាករមកពីសមាគម-ក្លិប-ក្រុមកីឡាបាល់ទះនៅគ្រប់មណ្ឌលទាំងអស់ និងអ្នកសារព័ត៌មាននានា នៅផ្សារទំនើបជីបម៉ុង ២៧១ មេហ្គា ម៉ល ។
លោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការ បានមានប្រសាសន៍ថា ព្រឹត្តិការណ៍ប្រកួតកីឡាបាល់ទះ ៤x៤ ទូទាំងប្រទេស WURKZ SPECIAL VOLLEYBALL CUP 4×4 2024 អាចថាជាប្រវត្តិសាស្ត្រថ្មីមួយទៀត ដែលយើងបានបង្កើតនៅឆ្នាំ២០២១ និងបន្ទាប់ពីព្រឹត្តិការណ៍ តេជោលីគ បានបញ្ចប់កាលពីពេលថ្មីៗនេះ។
លោកបណ្ឌិត អាំង សិរីពិសិដ្ឋ ថា បាល់ទះ ៤x៤ នេះមានគោលដៅចំនួន ៥ដោយទី១ គឺយើងធ្វើនៅខេត្តបាត់ដំបង ដែលជាការប្រកួតបាល់ទះមានលក្ខណ:ប្លែក ពិសេសជាការនាំយកចំណីអារម្មណ៍ថ្មីដែលជាកាដូទៅដល់បងប្អូនប្រជាពលរដ្ឋក្នុងការទស្សនាផ្ទាល់ និងបានបញ្ចេញអារម្មណ៍ហ៊ូនៅលើទីលាន។
លោកបានបញ្ជាក់ថា ព្រឹត្តិការណ៍នេះក៏ជាសារមួយដែល នឹងបង្ហាញទៅដល់អត្តពលិក ឬក៏កីឡាករដែលនៅតាមខេត្តនានា ងាកមកលេងបាល់តាមស្តង់ដាវិញ។ លោកសង្កេតឃើញថា កីឡាករនៅតាមបណ្ដាលខេត្តមានសមត្ថភាព និងកម្ពស់ៗល្អ តែគាត់លេងខុសក្បួនខ្នាត ដូចនេះវាមិនមានផលចំណេញដល់ជាតិ ក៏ដូចជាសហព័ន្ធ ដែលធ្វើអោយបាត់បង់ធនធានកីឡាករល្អៗ។
ក្រុមទាំង ១០ត្រូវបានចាប់ពូលរួចរាល់មានដូចខាងក្រោម៖
កម្មវិធីប្រកួត ថ្ងៃទី២៤ ខែកុម្ភ: ឆ្នាំ២០២៤ មណ្ឌលខេត្តបាត់ដំបង នៅទីធ្លាបាល់ទះ វិទ្យាល័យនេតយ៉ង
សូមបញ្ជាក់ថា សម្រាប់គោលទាំង ៥ ដែលក្រោងរៀបចំពាន WURKZ SPECIAL VOLLEYBALL CUP 4×4 2024 ធំៗ មានដូចខាងក្រោម៖
- ភូមិភាគទី១ គឺភូមិភាគបាត់ដំបងដែលយើងចាប់ផ្ដើមនៅថ្ងៃទី ២៤-២៦ ខែកុម្ភៈ ឆ្នាំ២០២៤ ដូច្នេះ ចំពោះបណ្ដាលខេត្តដូចជា កំពង់ឆ្នាំង បាត់ដំបង ពោធិ៍សាត់ ប៉ៃលិន និងបន្ទាយមានជ័យ គាត់និងត្រូវដាក់ពាក្យនៅក្នុងការលេងនៅភូមិភាគបាត់ដំបងនេះជាដើម
- ភូមិភាគទី២ គឺភូមិភាគសៀមរាប ដែលចាប់ផ្ដើមពីថ្ងៃទី ២-៣ ខែមិនា ឆ្នាំ២០២៤ ដែលមានការចូលរួមតាមបណ្ដាលខេត្តដូចជា សៀមរាប កំពង់ធំ ឧត្តមានជ័យ និងព្រះវិហារជាដើម ដែលអាចចូលរួមបាន
- ភូមិភាគទី៣ គឺភូមិភាគកំពង់ចាម ដែលនឹងត្រូវរៀបចំនៅថ្ងៃទី ៩-១០ ខែមិនា ឆ្នាំ២០២៤ ដែលក្នុងនោះយើងមាន ក្រចេះ ស្ទឺងត្រែង រតនៈគិរី មណ្ឌលគិរី ត្បូងឃ្មុំ និងកំពង់ចាមដែលជាម្ចាស់ផ្ទះ
- ភូមិភាគទី៤ គឺព្រៃវែង ដែលមានកណ្ដាល ព្រៃវែងនិងបណ្ដាលខេត្តដែលមានជាប់ភូមិផងរបងជាមួយនឹងព្រៃវែង
- និងចុងក្រោយភូមិភាគខេត្តព្រះសីហនុ ដែលនឹងចាប់ផ្ដើមនៅថ្ងៃទី ២៣-២៤ ខែមិនា 2024 នៅក្នុងនោះយើងមានខេត្ត កំពង់ស្ពឺ ព្រះសីហនុ កែប កំពត កោះកុងជាដើម
ម្ចាស់ជ័យលាភីទាង ៥ភូមិភាគដែលលខ១ និងលេខ២ ពួកគាត់នឹងមាន visa សម្រាប់ធ្វើការប្រកួតនៅរាជធានីភ្នំពេញដែលគ្រោងនឹងរាបចំនៅថ្ងៃទី ២២-២៨ ខែមេសា ឆ្នាំ២០២៤ ដែលជាវគ្គផ្ដាច់ព្រ័ត្រដ៏អស្ចារ្យក្នុងនោះមណ្ឌលរាជធានីភ្នំពេញយើងនឹងផ្ដល់ឱកាសទៅដល់បណ្ដាល ក្លឺបធំៗទាំង ៦ដែលជាប់លេខរៀងពីលេខ ១ដល់លេខ ៦នៅក្នុងតេជោលីគត្រូវឈរជើងចាំចំពោះបេក្ខជនដែលមកតាមបណ្ដាលខេត្ត ឬភូមិភាគទាំង៥។
ព្រឹត្តិការប្រកួតកីឡាបាល់ទះ WURKZ SPECIAL VOLLEYBALL CUP 4×4 2024 មានឧបត្ថម្ភផ្ដាច់មុខដោយភេសជ្ជ:ប៉ូវកម្លាំង WURKZ និង ក្រុមហ៊ុន ខ្មែរ ប៊ែវើរីជីស ទាំងការរៀបចំកម្មវិធី និងប្រាក់រង្វាន់៕
