ក្រុមប្រឹក្សាកីឡាក្រសួងមហាផ្ទៃ បានរៀបចំសន្និសីទសារព័ត៌មានស្ដីពី ចាប់ឆ្នោតចែកពូលការប្រកួត ប្រកួត «ពានរង្វាន់បាល់ទាត់ក្រសួងមហាផ្ទៃ» លើកទី១ ឆ្នាំ២០២៤ ដែលមាន ១៥ក្រុមចូលរួម។ សន្និសីទសារព័ត៌មាននេះ ធ្វើឡើងកាលពីរសៀលថ្ងៃទី២៧ ខែកុម្ភ: ឆ្នាំ២០២៤ នៅមជ្ឈមណ្ឌលកីឡាក្នុងពហុកីឡដ្ឋានជាតិអូឡាំពិក។
ឯកឧត្តម សរ សិទ្ធិ រដ្ឋលេខាធិការក្រសួងមហាផ្ទៃ ទទួលការងារអគ្គលេខាធិការដ្ឋាន នៃក្រុមប្រឹក្សា កីឡក្រសួងមហាផ្ទៃ និងជាប្រធានគណៈកម្មការរៀបចំការប្រកួត បានថ្លែងអំណរគុណដ៏ជ្រាលជ្រៅជូនចំពោះ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលតែងតែយកចិត្តទុកដាក់ដល់សុខភាពមន្ត្រីរាជការក្រោមឱវាទដោយផ្ដល់អនុសាសន៍ និងជំរុញឱ្យមានការរៀបចំព្រឹត្តិការណ៍ប្រកួតនេះឡើង។
ឯកឧត្តម មានប្រសាសន៍ថា នេះជាការប្រកួតបាល់ទាត់រង្វាន់មិត្តភាពសម្រាប់មន្ត្រីរាជការចំណុះក្រសួងមហាផ្ទៃលើកដំបូង។ ព្រឹត្តិកាណ៍នេះ រៀបចំឡើងគោលបំណងដើម្បីរឹតចំណងមិត្តភាព សាមគ្គីភាព ក៏ដូចជាលើកកម្ពស់វិស័យកីឡាជាតិ និងសុខភាពសម្រាប់មន្ត្រីរបស់ក្រសួងមហាផ្ទៃ។ឯកឧត្តមបន្ថែមថា ការរៀបចំលើកដំបូងនេះមិនទាន់គ្រប់គ្រាន់ទេ និងអគ្គនាយកដ្ឋានជំនាញក៏មិនទាន់បានចូលរួមទាំងអស់សម្រាប់ការចូលរួមប្រកួតលើកដំបូងនេះ ដោយនៅសល់ ៤អគ្គនាយកដ្ឋានទៀត។
ឯកឧត្តម បានបន្តថាសម្រាប់ឆ្នាំក្រោយៗ នឹងរៀបចំឲ្យមានគ្រប់អគ្គនាយកដ្ឋានទាំងអស់ចូលរួម។ ជាពិសេសគ្រោងនឹងរៀបចំឲ្យមន្ទីរតាមបណ្តាខេត្តនានាចូលរួមប្រកួតទៀតផង។ សម្រាប់ការប្រកួតពានរង្វាន់ក្រសួងមហាផ្ទៃលើកដំបូងនេះ បុគ្គលិកជាមន្ត្រីរាជការគ្រប់អាយុរបស់ក្រសួងមហាផ្ទៃអាចចូលរួមប្រកួតបាន ប៉ុន្តែសម្រាប់កីឡាករអាជីព និងកីឡាករធ្លាប់លេងអាជីពក្រោមអាយុ ៤០ឆ្នាំមិនអនុញ្ញាតឲ្យចូលរួមប្រកួតបានឡើយ។
ការរៀបចំលើកទី១ នេះមានការចូលរួមពីបណ្ដាក្លឹបអគ្គស្នងការដ្ឋាន ក្លិបអគ្គលេខាធិការដ្ឋាន ក្លិបអគ្គនាយកដ្ឋាននានាសរុបចំនួន ១៥ក្លិប បែងចែកជា ៤ពូលមានដូចខាងក្រោម៖
ពូល A
-ក្រុមប្រឹក្សាកីឡាក្រសួងមហាផ្ទៃ
-ក្រុមសាលាជាតិរដ្ឋបាលមូលដ្ឋាន
-ក្រុមអគ្គនាយកដ្ឋានរដ្ឋបាល
-ក្រុមអគ្គាធិការដ្ឋាន
ពូល B
-ក្រុមអគ្គនាយកដ្ឋានភស្តុភារ និងហិរញ្ញវត្ថុ
-ក្រុមប្រឹក្សានីតិកម្ម
-ក្រុមខុទ្ទកាល័យរដ្ឋមន្ត្រីក្រសួងមហាផ្ទៃ
-ក្រុមអគ្គនាយដ្ឋានអត្តសញ្ញាណកម្ម
ពូល C
-ក្រុមអគ្គនាយកដ្ឋានពន្ធនាគារ
-ក្រុមបណ្ឌិតសភានគរបាលកម្ពុជា
-ក្រុមអគ្គនាយកដ្ឋានឌីជីថល និងផ្សព្វផ្សាយអប់រំ
-ក្រុមអគ្គនាយកដ្ឋានអន្តោប្រវេសន៍
ពូល D
-ក្រុមអគ្គនាយកដ្ឋានសវនកម្មផ្ទៃក្នុង
-ក្រុមអគ្គលេខាធិការដ្ឋានកក្រសួងមហាផ្ទៃ
-ក្រុមអគ្គស្នងការដ្ឋាននគរបាលជាតិ
កម្មវិធីប្រកួត មានដូចខាងក្រោម៖
ឯកឧត្តម សរ សិទ្ធិ ក៏បានថ្លែងអំណរគុណដល់ក្លឹបទាំងអស់ដែលបានខិតខំរៀបចំឱ្យមានកីឡាករបានចូលរួមប្រកួត «ពានរង្វាន់បាល់ទាត់ក្រសួងមហាផ្ទៃ» លើកទី១ ឆ្នាំ២០២៤ លើកទី១ នេះក្នុងស្មារតីស្រលាញ់កីឡា ដើម្បីសុខភាព មិត្តភាព សាមគ្គីភាព ទោះបីជាពុំបាន ១០០ភាគរយយ៉ាងណាក្ដី ក៏ប៉ុន្តែការចូលរួមនេះគឺបង្ហាញឱ្យឃើញពីការប្តេជ្ញាចិត្តដ៏មុតមាំស្របតាមអនុសាសន៍ ឯកឧត្តម អភិសន្តិបណ្ឌិត ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
គួរបញ្ជាក់ថា ការប្រកួតពានរង្វាន់បាល់ទាត់ក្រសួងមហាផ្ទៃ នឹងចាប់ផ្ដើមប្រកួតពីថ្ងៃទី០១ ខែមីនា និងបញ្ចប់នៅថ្ងៃទី២៥ ខែមីនា ឆ្នាំ២០២៤ ដោយពិធីបើក-បិទ ធ្វើឡើងនៅពហុកីឡដ្ឋានជាតិ ក្រោមអធិបតីភាពឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ៕