ការប្រកួតពានរង្វាន់លីគកំពូលកម្ពុជា ឈានដល់សប្តាហ៍ទី២៣ ហើយខណៈការប្រកួតពានរង្វាន់សម្តេចតេជោ ហ៊ុន សែន ថ្នាក់ជាតិ បានឈានដល់វគ្គពានកណ្តាលផ្តាច់ព្រ័ត្រ ហើយ ក្រោយរកឃើញក្រុមទៅបង្គ្រប់កាលពីថ្ងៃទី២៨ ខែកុម្ភៈ ឆ្នាំ២០២៤ កន្លងទៅ។
ក្រុមដែលឡើងទៅបង្គ្រប់នៅវគ្គពាក់កណ្តាលផ្តាច់ព្រ័ត្រ នោះគឺក្រុមភ្នំពេញក្រោន ក្រោយយកឈ្នះលើក្រុមគិរីវង់សុខសែនជ័យ ដោយលទ្ធផលសរុបទាំងពីរជើង ៣ទល់នឹង០ នៅវគ្គ៨ក្រុមចុងក្រោយ ដោយកាលពីជើងទី១ យកឈ្នះដោយលទ្ធផល ២ទល់នឹង០ កាលពីថ្ងៃទី៧ ខែកុម្ភៈ ឆ្នាំ២០២៤ កន្លងទៅ ខណៈជើងទី២បានបន្តយកឈ្នះដោយលទ្ធផល ១ទល់នឹង០។
ក្រោយសម្រាក់បាន៣ថ្ងៃ ក្រុមបាល់ទាត់ភ្នំពេញក្រោន នឹងត្រៀមប៉ះ គ្នាជាមួយក្រុមវិសាខា ក្នុងការប្រកួតពានរង្វាន់លីគកំពូលកម្ពុជា (Cambodian Premier League) សប្តាហ៍ទី២៣ ថ្ងៃទី៣ ខែមិនា ឆ្នាំ២០២៤ នៅកីឡដ្ឋានព្រីនស៍ បន្ទាប់មក៣ថ្ងៃ ក្រោយក្រុមភ្នំពេញក្រោន នឹងបន្តប៉ះគ្នាម្តងទៀតក្នុងពានរង្វាន់សម្តេចតេជោ វគ្គពាក់កណ្តាលផ្តាច់ព្រ័ត្រជើងទី១ នៅថ្ងៃទី៦ ខែមិនា ឆ្នាំ២០២៤ ខាងមុខនៅកីឡដ្ឋានព្រីនស៍ ដដែរ។
សម្រាប់កម្មវិធីប្រកួតវគ្គពាក់កណ្តាលផ្តាច់ព្រ័ត្រ ជើងទី១
រីឯកម្មវិធីប្រកួតពានរង្វាន់សម្ដេចតេជោ ហ៊ុន សែន ថ្នាក់ជាតិ ក្រុមបឹងកេត នឹងត្រូវប៉ះ ក្រុមព្រះខ័នរាជស្វាយរៀង នៅថ្ងៃទី៦ ខែមិនា ឆ្នាំ២០២៤ ដែលការប្រកួតនឹងធ្វើឡើងទៅក្នុងពហុកីឡដ្ឋានជាតិ(អូឡាំពិក) វេលាម៉ោង ៦:០០នាទីល្ងាច ខណៈក្រុមវិសាខា ត្រូវបើកទ្វារកីឡដ្ឋានព្រីនស៍ ទទួលក្រុម ភ្នំពេញក្រោន ការប្រកួតនឹងចាប់ផ្តើមនៅម៉ោង ៦:០០នាទីល្ងាច ដូចគ្នា។
លទ្ធផលការប្រកួតវគ្គ៨ក្រុមចុងក្រោយ
សម្រាប់ការប្រកួតជើងទី២នឹងត្រូវប្រកួតនៅថ្ងៃទី១០ ខែមេសា ឆ្នាំ២០២៤ខាងមុខ ដើម្បីស្វែងរកក្រុមខ្លាំងឡើងវគ្គផ្ដាច់ព្រ័ត្រនៃពានរង្វាន់សម្តេចតេជោ ហ៊ុន សែន ថ្នាក់ជាតិ រដូវកាល ឆ្នាំ២០២៣-២៤។
បើមិនមានអ្វីប្រែប្រួលនោះទេ នោះកម្មវិធីប្រកួតវគ្គផ្តាច់ព្រ័ត្រ នៃពានរង្វាន់សម្តេចតេជោហ៊ុន សែន ថ្នាក់ជាតិ នឹងធ្វើឡើងនៅថ្ងៃទី២៨ ខែមេសា ឆ្នាំ២០២៤៕