ក្លិបកងពលធំអន្តរាគមន៍លេខ៣ (B) ទទួលបានចំណាត់ថ្នាក់លេខ១ ក្នុងព្រឹត្តិការណ៍ប្រកួតកីឡាបាល់ទះ ៤x៤ ទូទាំងប្រទេស WURKZ SPECIAL VOLLEYBALL CUP 4×4 2024 នៅមណ្ឌលទី២ ក្នុងខេត្តសៀមរាប ក្រោយយកឈ្នះ ស្នងការដ្ឋាន ន.ប ខេត្តឧត្តរមានជ័យ ក្នុងលទ្ធផល ២សិតទល់និង០ នៅទីតាំង តារាងបាល់ទះ ១៦៨ស្ពត។
លទ្ធផលលេខ១ លេខ២ និងលេខ៣ WURKZ SPECIAL VOLLEYBALL CUP 4×4 2024 នៅមណ្ឌលទី២ ក្នុងខេត្តសៀមរាប៖
- កងពលធំអន្តរាគម៍លេខ៣(B)
- ស្នងការដ្ឋាន ន.ប ឧត្ដមានជ័យ
- ក្លឹបបាល់ទះលោកតាឌីព្រះវិហារ
ក្រុមចំនួន៩ ដែលចូលរួមការប្រកួតនៅមណ្ឌលសៀមរាប នៅក្នុងកម្មវិធីប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 4×4 2024 រួមមាន៖
១. ក្លិបកីឡាបាល់ទះ យុវជនសៀមរាប
២. ក្លិបវិទ្យាល័យសម្តេចឪ
៣. ព្រះវិហារយូណៃធីត
៤. ក្រុមកីឡាបាល់ទះឃុំត្បែង
៥. ក្លិបកីឡាបាល់ទះ អាចារ្យលាក់
៦. ក្លិបកីឡាបាល់ទះលោកតាឌីព្រះវិហារ
៧. ស្នងការដ្ឋាន ន.ប ខេត្តឧត្តរមានជ័យ
៨. ក្លិបកងពលធំអន្តរាគមន៍លេខ៣ (B)
៩. ស្នងការដ្ឋាន ន.ប ខេត្តសៀមរាប
គោលដៅទី២ ក្នុងចំណោមទាំង ៥ ដែលគ្រោងរៀបចំពាន WURKZ SPECIAL VOLLEYBALL CUP 4×4 2024 ធំៗ មាន ភូមិភាគទី១ គឺភូមិភាគបាត់ដំបង ភូមិភាគទី២ គឺភូមិភាគសៀមរាប ភូមិភាគទី៣ គឺភូមិភាគកំពង់ចាម ភូមិភាគទី៤ គឺព្រៃវែង និងចុងក្រោយភូមិភាគខេត្តព្រះសីហនុ។
ខណ:ភូមិភាគទី១ គឺភូមិភាគបាត់ដំបងដែលយើងចាប់ផ្ដើមនៅថ្ងៃទី ២៤-២៦ ខែកុម្ភៈ ឆ្នាំ២០២៤ មានបណ្ដាលខេត្តដូចជា កំពង់ឆ្នាំង បាត់ដំបង ពោធិ៍សាត់ ប៉ៃលិន និងបន្ទាយមានជ័យ ដោយបានរកឃើញម្ចាស់ជើងឯកគឺ បានទៅលើ ក្លិបកីឡាបាល់ទះបាត់ដំបង។
សូមបញ្ជាក់ថា សម្រាប់គោលដបន្ទាប់គ្រោងរៀបចំពាន WURKZ SPECIAL VOLLEYBALL CUP 4×4 2024 ធំៗ មានដូចខាងក្រោម៖
- ភូមិភាគទី៣ គឺភូមិភាគកំពង់ចាម ដែលនឹងត្រូវរៀបចំនៅថ្ងៃទី ៩-១០ ខែមិនា ឆ្នាំ២០២៤ ដែលក្នុងនោះមាន ក្រចេះ ស្ទឺងត្រែង រតនៈគិរី មណ្ឌលគិរី ត្បូងឃ្មុំ និងកំពង់ចាម
- ភូមិភាគទី៤ គឺព្រៃវែង ដែលមានកណ្ដាល ព្រៃវែងនិងបណ្ដាលខេត្តដែលមានជាប់ភូមិផងរបងជាមួយនឹងព្រៃវែង
- ភូមិភាគទី៥ ខេត្តព្រះសីហនុ ដែលនឹងចាប់ផ្ដើមនៅថ្ងៃទី ២៣-២៤ ខែមិនា 2024 នៅក្នុងនោះមានខេត្ត កំពង់ស្ពឺ ព្រះសីហនុ កែប កំពត កោះកុងជាដើម
ម្ចាស់ជ័យលាភីទាំង ៥ភូមិភាគដែលលខ១ និងលេខ២ មានឈ្មោះដោយស្វ័យប្រវត្តិសម្រាប់ធ្វើការប្រកួតនៅរាជធានីភ្នំពេញ ដែលជាវគ្គជុំផ្ដាច់ព្រ័ត្រគ្រោងនឹងរៀបចំនៅថ្ងៃទី ២២-២៨ ខែមេសា ឆ្នាំ២០២៤។ មណ្ឌលរាជធានីភ្នំពេញ នឹងផ្ដល់ឱកាសទៅដល់បណ្ដាល ក្លិបធំៗទាំង ៦ដែលជាប់លេខរៀងពីលេខ ១ដល់លេខ ៦នៅក្នុងតេជោលីគត្រូវឈរជើងចាំ ចំពោះបេក្ខជនដែលមកតាមបណ្ដាលខេត្ត ឬភូមិភាគទាំង៥៕