បញ្ចប់សប្ដាហ៍ទី២៣ ជុំទី៣ កន្លងមកនេះនៅក្នុងពានរង្វាន់ Cambodia Premier League រដូវកាលឆ្នាំ២០២៣-២៤ មានតែខ្សែប្រយុទ្ធសញ្ជាតិកាណាដា គឺកីឡាករ Marcus Haber របស់ព្រះខ័នរាជស្វាយរៀង ម្នាក់ប៉ុណ្ណោះ ដែលអាចរកគ្រាប់បាល់បានច្រើនជាងគេសរុប រហូតដល់២៦គ្រាប់។
ខ្សែប្រយុទ្ធ Marcus Haber រកបានគ្រាប់បាល់ ២៦គ្រាប់ ឈរកំពូលតារាងបញ្ជី Top Scorer នៅលីគលីគកំពូលកម្ពុជា ក្រោយទាត់បញ្ជូលទីក្រុម ISI ដង្កោសែនជ័យ ២គ្រាប់ នៅសប្ដាហ៍ទី២២ នៅជុំទី១ ខ្សែប្រយុទ្ធវ័យ ៣៥ឆ្នាំរូបនេះរកបាន ១៣គ្រាប់ នៅជុំទី២ រកបាន ៩គ្រាប់ នៅជុំទី៣ រកបាន ៤គ្រាប់។
បញ្ជីកីឡាករទាត់ចូលទីច្រើនជាងគេ Top Scorers មាន៖
-កីឡាករ Marcus Baber របស់ប្រះខ័នរាជស្វាយរៀង រកបាន ២៦គ្រាប់
-កីឡាករ Shimizu Shintaro របស់ភ្នំពេញក្រោន រកបាន ១៥គ្រាប់
-កីឡាករ Ndongo Louis Willy របស់ ISI ដង្កោសែនជ័យ រកបាន ១២គ្រាប់
-កីឡាករ Andres Nieto របស់ភ្នំពេញក្រោន រកបាន ១១គ្រាប់
-កីឡាករ Ryohei Yoshihama របស់បឹងកេត រកបាន ១១គ្រាប់
-កីឡាករ Colubovic Stefan របស់បឹងកេត រកបាន ១០គ្រាប់
-កីឡាករ ម៉ាត់ នូរុណ របស់បឹងកេត រកបាន ១០គ្រាប់
-កីឡាករ ផាន សុខផេន របស់ព្រៃវែង រកបាន ១០គ្រាប់
បច្ចុប្បន្នព្រះខ័នរាជស្វាយរៀង ក្រោមការដឹកនាំរបស់លោក Pep Muñoz គិតត្រឹម ២៣ប្រកួត ឈ្នះ ១៩ប្រកួត ស្មើ ២ប្រកួត ចាញ់ ២ប្រកួត ស៊ុតបញ្ចូលទីគូប្រកួតបាន ៦០គ្រាប់ របូត ២៦គ្រាប់ មាន ៥៩ពិន្ទុឈរកំពូលតារាងចំណាត់ថ្នាក់៕