បទ បត្យាវត្ត
សាកល្បងរៀបរាប់បរិការណ៍ថ្មី រឿងស្ត្រីក្មេងស្រីក្នុងបទកំណាព្យ
ស្មេរខ្ញុំមិនណាស់អាចខ្វះជើងកាព្យ ជូរជ្រុលប្រៃសាបសូមញាតិខន្តី។
ផ្តើមដោយអំណរអបអរនឹងស្ត្រី ឈានដល់យុគថ្មីបច្ចេកវិទ្យា
ឌីជីថលផ្លាស់ឱកាសដូចគ្នា នេះជាវេលាត្រូវច្បាមឲ្យជាប់។
ត្រូវហ៊ានប្តូរផ្លាស់រឿងចាស់ទម្លាប់ ដែលដិតដាមជាប់ខ្ទាស់ភាពចម្រើន
ចំណេះជំនាញស្ទុះស្ទាញបង្កើន រៀនច្រើនចេះច្រើនចម្រើនអាត្មា។
ត្រូវតាមឲ្យទាន់រាល់សភាពការណ៍ រួចប្រើប្រាជ្ញារិះរកហេតុផល
កុំជឿគេងាយព្រោះអាចនាំដល់ ទុក្ខសោកកង្វល់ឈានដល់ហិនហោច។
ធ្វើខ្លួនឲ្យខ្លាំងតាំងកុំឲ្យខ្លោច ច្បិចច្បាមប្រយោជន៍ពីបរិវត្តកម្ម
ឌីជីថលយុគស្ត្រីត្រូវសស្រាំ ឈានមុខសកម្មចាប់ធុរកិច្ច។
បណ្តាក់បណ្តាញអនឡាញច្រើនតិច ធ្វើធុរកិច្ចបច្ចេកវិទ្យា
បរិវត្តកម្មឌីជីថលជា សម័យទាមទារនូវភាពវៃឆ្លាត៕
ចូលរួមអបអរទិវាអន្តរជាតិនារី៨មីនា ឆ្នាំ ២០២៤!
អត្ថបទ៖សំ នឿន