ក្លិបបាល់ទាត់ Life Football Club កាលពីថ្ងៃទី១១ ខែមីនា បានប្រកាសតែងតាំងលោក Satoshi Saito ជាសាស្រ្តាចារ្យមុខវិជ្ជា ទីផ្សារកីឡា នៅក្នុងដេប៉ាតឺម៉ង់គ្រប់គ្រងកីឡាក្នុងឆមាសនេះ ក្នុងសាកលវិទ្យាល័យ ឡាយហ្វ។
សាកលវិទ្យាល័យ ឡាយហ្វ បានប្រកាសជាផ្លូវការអំពីវត្តមានលោក Satoshi Saito ជាសាស្រ្តាចារ្យមុខវិជ្ជា ទីផ្សារកីឡា នៅក្នុងដេប៉ាតឺម៉ង់គ្រប់គ្រងកីឡាក្នុងឆមាសនេះ ក្នុងការចាប់ផ្ដើមទំប័រថ្មីក្នុងវិស័យបាល់ទាត់កម្ពុជា សម្រាប់ថ្នាក់បរិញ្ញាបត្រ និង បរិញ្ញាបត្ររងផ្នែក គ្រប់គ្រងកីឡាដំបូងគេបង្អស់នៅកម្ពុជា។ សាកលវិទ្យាល័យ ឡាយហ្វ អាចបញ្ជាក់យ៉ាងច្បាស់ថា ចក្ខុវិស័យរបស់ខ្លួនគឺជួយអភិវឌ្ឍអ្នកដឹកនាំក្នុងវិស័យកីឡានៃប្រទេសកម្ពុជា។
លោក Satoshi Saito មានបទពិសោធន៍យ៉ាងទូលំទូលាយនៅក្នុងឧស្សាហកម្មកីឡាក្នុងនាមជាអ្នកដឹកនាំ និងបានបង្រៀនក្នុងវិស័យកីឡា និងអាជីវកម្ម។ បទពិសោធន៍របស់គាត់រួមមានការធ្វើជាអ្នកគ្រប់គ្រងប្រចាំតំបន់ក្នុងផ្នែកទីផ្សារអន្តរជាតិនៅក្លឹបបាល់ទាត់ Barcelona នាយកផ្នែកទីផ្សារនៃសហព័ន្ធបាល់ទាត់អាស៊ី សមាគមបាល់ទាត់ជប៉ុន និងជានាយកប្រតិបត្តិនៅលីគកំពូលកម្ពុជា។
ភាពវៃឆ្លាតរបស់ លោក Satoshi Saito ក្នុងនាមជាអ្នកដឹកនាំ ដែលមានចំណេះដឹង និងបទពិសោធន៍ នឹងជួយសិស្សឱ្យរីកចម្រើនក្នុងការយល់ដឹងរបស់ពួកគេអំពីពិភពទីផ្សារកីឡាយ៉ាងស៊ីជម្រៅ។
លោកសាស្រ្តាចារ្យ Satoshi Saito បានចេញសេចក្តីថ្លែងការណ៍ផ្លូវការថា៖ «ខ្ញុំពិតជារំភើបណាស់ដែលបានចូលរួមក្នុងការបង្រៀននៅឧត្តមសិក្សា ហើយអាចចូលរួមចំណែកពន្លឿនការអភិវឌ្ឍន៍កីឡាកម្ពុជា»។ ដោយសហការជាមួយក្លឹបបាល់ទាត់ឡាយហ្វ សាកលវិទ្យាល័យរបស់យើង និងក្លឹបបាល់ទាត់សង្ឃឹមថានឹងបន្តអភិវឌ្ឍវិស័យកីឡាកម្ពុជា។ យើងពិតជារំភើបណាស់ដែលមានលោកនៅក្នុងក្រុមសាស្រ្តាចារ្យរបស់យើង។ លោកសាស្រ្តាចារ្យ Satoshi Saito! សូមស្វាគមន៍មកកាន់សាកលវិទ្យាល័យ ឡាយហ្វ!»
សាកលវិទ្យាល័យ ឡាយហ្វ បានចាប់ផ្តើមបើកថ្នាក់បរិញ្ញាបត្រ និងបរិញ្ញាបត្ររងផ្នែកគ្រប់គ្រងកីឡាដំបូងគេបង្អស់នៅកម្ពុជា។ នេះអាសាកលវិទ្យាល័យ ឡាយហ្វ អាចបញ្ជាក់យ៉ាងច្បាស់ថា ចក្ខុវិស័យរបស់ខ្លួនគឺជួយអភិវឌ្ឍអ្នកដឹកនាំក្នុងវិស័យកីឡានៃប្រទេសកម្ពុជា។
គួរបញ្ជាក់ថា កាលពីព្រឹកថ្ងៃទី៣១ ខែតុលា ឆ្នាំ២០២៣ ក្រុមហ៊ុនបាល់ទាត់លីគកម្ពុជា (CPL) សម្រេចមិនបន្ដកិច្ចសន្យាថ្មីជាមួយលោក Satoshi Saito ធ្វើជានាយកប្រតិបត្តិនៃក្រុមហ៊ុនគ្រប់គ្រងបាល់ទាត់ជាតិមួយនេះទៀតឡើយ ក្រោយចំណាយពេលលើទឹកដីកម្ពុជា អស់រយៈពេល ៧៤២ថ្ងៃ៕