ប្រកួតកីឡាបាល់ទះ 4×4 ទូទាំងប្រទេស Wurkz Special Volleyball Cup 2024 បានបញ្ចប់ ចំនួន ៤ភូមិភាគរួចមកហើយ នឹងបានរកឃើញក្រុមខ្លាំងចំនួប ៨ក្រុមនឹងមានឈ្មោះដោយស្វ័យប្រវត្តិសម្រាប់ធ្វើការប្រកួតនៅរាជធានីភ្នំពេញ ដែលជាវគ្គជុំផ្ដាច់ព្រ័ត្រ។
ក្នុងនោះក្រុមខ្លាំទាំង ៨ដែលបានរកឃើញនៅភូមិភាគទាំង៤រួចមកហើយមាន៖
ភូមិភាគទី១ ប្រចាំមណ្ឌលបាត់ដំបង
- ជ័យលាភីលេខ១៖ ក្លិបកីឡាបាល់ទះបាត់ដំបង
- ជ័យលាភីលេខ២៖ សមាគមកីឡាបាល់ទះក្រសួងមហាផ្ទៃ (B)
ភូមិភាគទី២ ប្រចាំមណ្ឌលសៀមរាប
- ជ័យលាភីលេខ១៖ កងពលធំអន្តរាគម៍លេខ៣ (B)
- ជ័យលាភីលេខ២៖ ស្នងការដ្ឋាន ន.ប ឧត្ដមានជ័យ
ភូមិភាគទី៣ ប្រចាំមណ្ឌលកមពង់ចាម
- ជ័យលាភីលេខ១៖ ស្នងការដ្ឋាន ន.ប ខេត្តត្បូងឃ្មុំ
- ជ័យលាភីលេខ២៖ ស្នងការដ្ឋាន ន.ប ខេត្តកំពង់ចាម
ភូមិភាគទី៤ ប្រចាំមណ្ឌលព្រៃវែង
- ជ័យលាភីលេខ១៖ ស្នងការដ្ឋាន ន.ប រាជធានីភ្នំពេញ B
- ជ័យលាភីលេខ២៖ ស្នងការដ្ឋាន ន.ប ខេត្តកណ្ដាល
សម្រាប់គោលដៅបន្ទាប់ដែលគ្រោងរៀបចំពាន Wurkz Special Volleyball Cup 4×4 2024 ចុងក្រោយគឺ ភូមិភាគទី៥ មណ្ឌលព្រះសីហនុ ដែលនឹងចាប់ធ្វើឡើងនៅថ្ងៃទី ២៣-២៤ ខែមិនា 2024 នៅក្នុងនោះមានខេត្ត កំពង់ស្ពឺ ព្រះសីហនុ កែប កំពត កោះកុងជាដើម។
ក្រោយបញ្ចប់ការប្រកួតទាំង ៥ភូមិភាគ ម្ចាស់ជ័យលាភីដែលទទួលបានលេខ១ និងលេខ២ មានឈ្មោះដោយស្វ័យប្រវត្តិសម្រាប់ធ្វើការប្រកួតនៅរាជធានីភ្នំពេញ ដែលជាវគ្គជុំផ្ដាច់ព្រ័ត្រគ្រោងនឹងរៀបចំនៅថ្ងៃទី ២២ ដល់ថ្ងៃទី ២៨ ខែមេសា ឆ្នាំ២០២៤។
គួរបញ្ជាក់ថា សម្រាប់មណ្ឌលរាជធានីភ្នំពេញ នឹងផ្ដល់ឱកាសទៅដល់បណ្ដាល ក្លិបធំៗទាំង ៦ដែលជាប់លេខរៀងពីលេខ ១ដល់លេខ ៦នៅក្នុងព្រឹត្តិការណ៍ តេជោលីគ ត្រូវឈរជើងចាំ ចំពោះបេក្ខជនដែលមកតាមបណ្ដាលខេត្ត ឬភូមិភាគទាំង៥៕