Stephen Chow ហៅទិនហ្វី វ័យ៥៩ឆ្នាំ បានបដិសេធថាលោកនិងក្មេងស្រីវ័យ១៧ឆ្នាំ ដែលជាអតីតបេក្ខភាពប្រកួតកញ្ញាឯក ហុងកុង ត្រូវគេថតរូបបានដើរកម្សាន្តនិងជិះកប៉ាល់ទៅលេងសមុទ្រជាមួយគ្នាមិនមែនជាសង្សាររបស់ខ្លួននោះទេ។
សូមចុចអាន ក្ដៅ! បែកធ្លាយរូបទិនហ្វី ទាក់ទងសង្សារក្មេងខ្ចីល្ហក់មានអាយុត្រឹម ១៧ឆ្នាំប៉ុណ្ណោះ
ស្ដេចកំប្លែងដ៏ល្បីល្បាញរបស់ហុងកុងលោក ទិនហ្វី តែងតែលាក់បាំងរឿងរ៉ាវស្នេហារបស់ខ្លួន សូម្បីតែស្នេហារយៈពេល១៣ឆ្នាំរវាងលោកនិងអ្នកនាង Alice Yu Manfung សាធារណជនដឹងពីទំនាក់ទំនងស្នេហាអ្នកទាំងពីរនៅពេលដែលស្នេហាមួយនេះត្រូវបញ្ចប់កាលពីឆ្នាំ២០១០ ហើយមានបណ្ដឹងប្ដឹងផ្ដល់គ្នាកាលពីឆ្នាំ២០២០កន្លងទៅប៉ុណ្ណោះ។
កន្លងមក Stephen Chow ធ្លាប់បានទាក់ទងគ្នាជមួយនឹងតារាសម្ដែងតារាចម្រៀងហុងកុង Karen Mok និង Athena Chu ជាដើម។
ថ្មីៗនេះមានដំណឹងល្ហិចល្ហៀងថា ទិនហ្វី កំពុងតែមានបំណងទាក់ទងជាមួយនឹងបេក្ខភាពកញ្ញាឯកហុងកុងធ្លាក់លេខ វ័យ១៧ ឆ្នាំឈ្មោះ Ukei Cheung ដែលមានអាយុតិចជាងខ្លួនរហូតដល់ទៅ៤២ឆ្នាំ។ អ្នកកាសែតថតបានរូបភាព Stephen និង Ukei ជិះទូកកម្សាន្តដែលមានតម្លៃ១៧.៤លានដុល្លារអាមេរិកជាមួយនឹងនារីវ័យក្មេងពីររូបទៀតដែលជាមិត្តស្រីរបស់ Ukie ។
យោងតាមប្រភពជិតដិតនឹងទិនហ្វីបានឱ្យដឹងថាលោកមានលក្ខខ័ណ្ឌតឹងតែងឱ្យនារីវ័យក្មេងរូបនេះអនុវត្តតាមនៅក្នុងទំនាក់ទំនងរបស់អ្នកទាំងពីរ។
យ៉ាងណាមិញ រឿងរ៉ាវដ៏ក្ដៅគគុកក្នុងរង្វង់សិល្បៈចិននេះបានក្លាយទៅដំណឹងចចាមអារ៉ាមគ្មានមូលដ្ឋានច្បាស់លាស់ ព្រោះជំនួយការរបស់ទិនហ្វីបានចេញមកបញ្ជាក់ថា អ្នកផលិតភាពយន្តរូបនេះនិងកញ្ញា Ukei មិនបានស្និទ្ធិស្នាលនឹងគ្នានោះទេ កុំថាឡើយដល់ទៅគូស្នេហ៍នោះ។
នៅពេលសួរដល់ដំណើរកម្សាន្តរវាងអ្នកទាំងពីរដែលត្រូវបានអ្នកសារព័ត៌មានថតរូបបាន?
«មានក្រុមមនុស្សច្រើននៅលើកប៉ាល់ថ្ងៃនោះ» ជំនួយការលោកពន្យល់បន្ថែម «ក្មេងស្រីរូបនោះបានអញ្ជើញ Stephen ទៅជិះកប៉ាល់កម្សាន្តជាមួយគ្នាកាលពីពីរថ្ងៃមុនថតរូបបាន ប៉ុន្តែលោកបដិសេធព្រោះអ្នកទាំងពីរមិនដែលស្គាល់គ្នាសោះ។» តំណាងរបស់លោកបានបន្ថែមទៀតថា «មិនយល់សោះថាហេតុអ្វីថាអ្នកសារព័ត៌មានចេញមកសារព័ត៌មាននេះកើតនៅពេលដែលនៅថ្ងៃនោះមានមនុស្សទៅកម្សាន្តនៅសមុទ្រយ៉ាងច្រើនសន្ធឹកសន្ធាប់។»
គួរដឹងថាកញ្ញា Ukei បានចូលរួមប្រកួតកញ្ញាឯកហុងកុង (Miss Hong Kong) ជាបេក្ខនារីដែលមានវ័យក្មេងជាងគេបង្អស់ចូលរួមប្រកួតក្នុងកម្មវិធី ប៉ុន្តែស្រីក្មេងរូបស្រស់ម្នាក់នេះមិនបានទទួលតំណែងអ្វីនោះទេ៕
