សិល្បៈជាតិ៖ តារាសម្ដែងបូលីវូដដ៏ល្បីល្បាញលោក Gagan Malik (ហ្គាហ្គាន ម៉ាលីក) បានធ្វើដំណើរមកដល់ទឹកដីអង្គរនៃខេត្តសៀមរាប និងបានចូលជួបថ្វាយបង្គំព្រះអង្គគ្រូ ពិន សែម នៅវត្តរាជបូណ៌ផងដែរ ព្រមទាំងមានសទ្ធាជ្រះថ្លា បានប្រគេនតេយ្យទាន ក៏ដូចជារូបចម្លាក់ព្រះពុទ្ធអង្គទុកជាអនុស្សាវរីយ៍ផងដែរ។ បងប្អូនកម្ពុជាប្រាកដជាចង់ដឹងហើយថា តើបុរសឥណ្ឌារូបសង្ហាម្នាក់នេះគឺជាអ្នកណា?
យោងតាមសេចក្ដីប្រកាសពីទំព័រហ្វេសប៊ុកវត្តរាជបូណ៌ បានបង្ហោះផ្សព្វផ្សាយកាលពីថ្ងៃទី២០ ខែមីនា ឆ្នាំ២០២៤ បានលើកឡើងថា៖ «Welcome to Cambodia លោក Gagan Malik (ហ្គាហ្កាន ម៉ាលីក) គាត់ធ្លាប់ដើរជាតួអង្គក្នុងរឿង Sri Siddhartha Gautama ដែលជារឿងរៀបរាប់ពីដំណើរជីវិតរបស់ព្រះសិទ្ធត្ថសមណៈគោត្តមបរមគ្រូ។ ការមកដល់ប្រទេសកម្ពុជាយើង គឺជាលើកទី១ របស់គាត់ វត្តមានលើកទី១ នៅលើទឹកដីកម្ពុជា លោក Gagan Malik និងក្រុមការងារ បានអញ្ជើញមកខេត្តសៀមរាប ដើម្បីទស្សនាប្រាសាទអង្គរវត្ត និងបានអញ្ជើញចូលមកវត្តរាជបូណ៌ ក្រាបថ្វាយបង្គំ សម្ដេច ព្រះព្រហ្មរតនមុនី សិរីសុវណ្ណោ ពិន សែម ដើម្បីសម្ដែងនូវការគោរព និងការគួរសមដែលលោកបានមកដល់ប្រទេសកម្ពុជាយើង ។»
ងាកមកចាប់អារម្មណ៍ពីសាវតារ របស់លោក Gagan Malik គឺជាតារាសម្ដែងបូលីវូដដែលមានឈ្មោះបោះសំឡេងមួយរូប លោកមានវ័យ ៤៨ឆ្នាំ លោកកើតនៅថ្ងៃទី២៨ ខែកុម្ភៈ ឆ្នាំ១៩៧៦។ លោកបានរៀបការជាមួយនឹងមិត្តនារីដែលរៀនជាមួយគ្នានៅវិទ្យាល័យតាំងពីលោកមានវ័យត្រឹម២២ឆ្នាំ។ ឧត្តមភរិយារបស់លោកគឺជាអ្នកគាំទ្រលេខមួយសម្រាប់លោក ហើយលោកតែងតែពោលថាខ្លួនមិនមានការព្រួយបារម្ភអ្វីទាំងអស់ ព្រោះលោកមាន សិតា នៅក្បែរខ្លួនចាំគាំទ្រហើយ។ តារារូបនេះបានសាងកេរ្តិ៍ឈ្មោះល្បីល្បាញក្រោយលោកបានសម្ដែងជាតួអង្គព្រះរាម នៅក្នុងរឿង រាមាយណ (ឬរឿងរាមកេរ្តិ៍ជាភាសាខ្មែរ) ដោយរឿងនេះគឺជារឿងជួយឱ្យលោកឈ្នះពានរង្វាន់ the World Buddhist Film Festival ដែលជារៀបចំដោយ United Nation (អង្គការសហប្រជាប្រជាតិ)
ប្រឡូកជោគជាំនៅក្នុងរង្វង់សិល្បៈ លោកមានស្នាដៃសម្ដែងល្បីៗជាច្រើនរឿងដូចរៀបរាប់ខាងក្រោម៖
- Sri Siddhartha Gautama (2013) 115 min | Biography, Drama, History. …
- Upanishad Ganga (2012–2013) Short, Drama, History. …
- Wetten, dass..? (1981– ) 165 min | Comedy, Game-Show, Music. …
- Shakuntala (2009) …
- Ramayan (2012–2013) …
- Sankatmochan Mahabali Hanuman (2015–2017) …
- Vaisakhi List (2016) …
- Le grand journal de Canal+ (2004–2017)