ក្រុមបាល់ទាត់ជម្រើសជាតិកម្ពុជា នឹងត្រូវជួបក្រុមជម្រើសជាតិហ្គីយ៉ាន នៅថ្ងៃទី២២ ឈានចូលថ្ងៃទី២៣ ខែមីនានេះ វេលាម៉ោង ២:០០នាទី រំលងអធ្រាត្រ នៅកីឡដ្ឋាន Prince Abdullah Al-Faisal Sports City FIFA Series 2024។
ក្រុមកម្ពុជា ស្ថិតនៅពូល (អារ៉ាប៊ីសាអូឌីត A) ជាមួយហ្គីយ៉ាន (អាមេរិកខាងជើង) និងហ្គីណេអេក្វាទ័រ (អាហ្វ្រិកកណ្តាល) ដែលគ្រោងនឹងចាប់ផ្តើមពីថ្ងៃទី២១ ខែមីនា រហូតដល់ថ្ងៃទី២៦ ខែមីនា ឆ្នាំ២០២៤ នៅប្រទេសអារ៉ាប៊ីសាអូឌីត។
ខាងក្រោមនេះគឺជា Links (តំណភ្ជាប់) ដែលប្រិយមិត្តអាចទស្សនាក្រុមជម្រើសជាតិកម្ពុជា ប្រកួតទល់នឹង ហ្គីណេអេក្វាទ័រ និង ហ្គីយ៉ាន៖
កម្មវិធីប្រកួតនៃពានរង្វាន់ FIFA Series របស់កម្ពុជា៖
– ថ្ងៃទី២២ ខែមីនា កម្ពុជា ប៉ះ ហ្គីយ៉ាន ម៉ោង ២:០០ រំលងអធ្រាត្រ នៅកីឡដ្ឋាន Prince Abdullah Al-Faisal Sports City
– ថ្ងៃទី២៦ ខែមីនា កម្ពុជា ប៉ះ ហ្គីណេអេក្វាទ័រ ម៉ោង ២:០០ រំលងអធ្រាត្រ នៅកីឡដ្ឋាន Prince Abdullah Al-Faisal Sports City។
សូមបញ្ជាក់ថា ចាប់តាំងពីបង្កើតសហព័ន្ធកីឡាបាល់ទាត់កម្ពុជា មកក្រុមជម្រើសជាតិកម្ពុជា ធ្លាប់ប្រកួតទល់ក្រុមហ្គីណេ តែមួយគត់ដែលនៅក្រៅទ្វីបអាស៊ី ក្នុងឆ្នាំ១៩៦៦ គ្រាដែលកម្ពុជា ទទួលសិទ្ធិធ្វើម្ចាស់ផ្ទះកីឡា GANEFO ក្រៅពីនោះការប្រកួតផ្លូវការរបស់ក្រុមជម្រើសជាតិគឺសុទ្ធសឹងតែប៉ះជាមួយក្រុមបណ្តាប្រទេសក្នុងទ្វីបអាស៊ី ទាំងអស់។
នេះគឺជាលើកទី២ហើយក្នុងប្រវត្តិសាស្រ្តដែលបាល់ទាត់ជម្រើសជាតិបុរសកម្ពុជា ត្រូវប្រកួតទល់នឹងក្រុមនៅក្រៅទ្វីបអាស៊ី៕
