សិល្បៈអន្តរជាតិ៖ យោងតាមកាសែត New Delhi របស់ប្រទេសឥណ្ឌា ប្រទេសអារ៉ាប់ប៊ីសាអូឌីត នឹងបញ្ចូលបេក្ខភាពតំណាងប្រទេសខ្លួនចូលរួមប្រកួតប្រជែងសម្រស់ជាលើកដំបូង ដែលនេះនឹងក្លាយជាព្រឹត្តិការណ៍ប្រវត្តិសាស្ត្រមួយសម្រាប់ប្រទេសកាន់សាសនាអ៊ីស្លាមដ៏ធំមួយនេះ។
បេក្ខភាពតំណាងឱ្យប្រទេសនេះមានឈ្មោះថា Rumy Alqahtani។ បវរកញ្ញារូបនេះគឺជាអតីតយោធា និងជាអ្នកផលិតមាតិកាដ៏មានឥទ្ធិពលលើបណ្ដាញសង្គម។ កាលពីថ្ងៃច័ន្ទកន្លងទៅកញ្ញាបានប្រកាសនៅលើបណ្ដាញសង្គម Instagram ផ្ទាល់ខ្លួនពីដំណឹងដែលកញ្ញានឹងក្លាយជាបេក្ខភាពតំណាងឱ្យរាជាណាចក្រនៅដែនសមុទ្រខ្សាច់សាហារ៉ា ចូលរួមប្រកួតប្រជែងដណ្ដើមមកុដ នៅក្នុងកម្មវិធីប្រកួតលំដាប់ពិភពលោក Miss Universe។
