អង្គរថាយហ្គឺរ ធ្លាក់មកនៅចំណាត់ថ្នាក់លេខ១០ ក្រោយប្រកួតចាញ់ភ្នំពេញក្រោន ខណ:គិរីវង់សុខសែនជ័យ ឡើងឈរលេខ៩ ក្រោយយកឈ្នះ ISI ដង្កោសែនជ័យ នៅសប្ដាហ៍ទី២៥ នៃពានរង្វាន់លីគកំពូលកម្ពុជា Cambodian Premier League រដូវកាលឆ្នាំ២០២៣-២៤។
កិតចាប់ពីសប្ដាហ៍ទី១ នៃការប្រកួតលីគកំពូលកម្ពុជា ឃើញថា គិរីវង់ បានត្រឹមឈរចំណាត់ថ្នាក់លេខ៩ បាន ៤លើកប៉ុណ្ណោះគិតទាំងបញ្ចប់សប្ដាហ៍ទី៥នេះ មាននៅសប្ដាហ៍ទី១ ទី២ និងទី៩ ចុងក្រោយសប្ដាហ៍ទី២៥។ ដោយឡែកអង្គរថាយហ្គឺរ ធ្លាក់មកឈរនៅចំណាត់ថ្នាក់លេខ១០ ចំនួន ៣លើក គឺនៅសប្ដាហ៍ទី២ ទី៩ និងទី២៥។
លទ្ធផលប្រកួតថ្ងៃអាទិត្យ ទី៣១ ខែមីនា ឆ្នាំ២០២៤៖
-ព្រៃវែង ០-៣ ព្រះខ័នរាជស្វាយរៀង វេលាម៉ោង ៣:៤៥រសៀល នៅកីឡដ្ឋានព្រៃវែង
-អង្គរថាយហ្គឺរ ០-២ ភ្នំពេញក្រោន នៅកីឡដ្ឋានហនុមាន
-Tiffy Army ២-១ វិសាខា វេលាម៉ោង ៦:០០ល្ងាច នៅកីឡដ្ឋានស្តាតចាស់។
លទ្ធផលថ្ងៃសៅរ៍ ទី៣០ ខែមីនា ឆ្នាំ២០២៤៖
-គិរីវង់សុខសែនជ័យ ៤-២ ISI ដង្កោសែនជ័យ នៅកីឡដ្ឋានគិរីវង់
-បឹងកេត ១-០ ណាហ្គាវើលដ៍ នៅពហុកីឡដ្ឋានជាតិ
បញ្ចប់ការប្រកួតសប្តាហ៍ទី២៥ ហើយកាលពីថ្ងៃទី៣១ ខែមីនា ឆ្នាំ២០២៤ កន្លងទៅក្នុងនោះឃើញថា ព្រះខ័នរាជស្វាយរៀង ភ្នំពេញក្រោន វិសាខា និងបឹងកេត បន្តឈរក្នុងតំបន់ Top 4។
តារាងចំណាត់ថ្នាក់ ត្រឹមសប្ដាហ៍ទី២៥៖
តារាងចំណាត់ថ្នាក់ សប្ដាហ៍ទី២៤៖
គួបញ្ជាក់ថា គិតត្រឹមបញ្ចប់ការប្រកួតនៅថ្ងៃនេះ គឺជាសប្ដាហ៍ទី២៥ហើយ ស្រប់ពេលដែលព្រះខ័នរាជស្វាយរៀង ក្រោមការដឹកនាំរបស់លោក Pep Muñoz គិតត្រឹម ២៥ប្រកួត ឈ្នះ ២១ប្រកួត ស្មើ ២ប្រកួត ចាញ់ ២ប្រកួត ស៊ុតបញ្ចូលទីគូប្រកួតបាន ៦៦គ្រាប់ របូត ២៦គ្រាប់ មាន ៦៥ពិន្ទុឈរកំពូលតារាងចំណាត់ថ្នាក់៕
