ក្លិបបាល់ទាត់ព្រះខ័នរាជស្វាយរៀង ជាក្រុមតែមួយគត់ ដែលរកគ្រាប់បាល់បានច្រើនជាងគេ នៃពានរង្វាន់ Cambodian Prmier League រដូវកាល២០២៣-២៤ និងកាន់កាប់កំពូលតារាង ២៣សប្ដាហ៍ នៅសប្ដាហ៍ទី១ (ទី២-៣ វិសាខា) សប្ដាហ៍ទី៤ ដល់ទី២៥ ស្វាយរៀង។
ព្រះខ័នរាជស្វាយរៀង ក្រោមការដឹកនាំរបស់លោក Pep Muñoz ឆ្លងកាត់ ២៥ប្រកួត ឈ្នះ ២១ប្រកួត ស្មើ ២ប្រកួត ចាញ់ ២ប្រកួត ស៊ុតបញ្ចូលទីគូប្រកួតបាន ៦៦គ្រាប់ របូត ២៦គ្រាប់ មាន ៦៥ពិន្ទុឈរកំពូលតារាងចំណាត់ថ្នាក់។
គ្រាប់បាល់ រកបានរបស់ក្រុមទាំង ១០ ប្រកួតនៅលីគកម្ពុជា៖
-ព្រះខ័នរាជស្វាយរៀង រកបាន ៦៦គ្រាប់ របូតវិញ ២៦គ្រាប់
-បឹងកេត រកបាន ៥៦គ្រាប់ របូតវិញ ៤៣គ្រាប់
-ភ្នំពេញក្រោន រកបាន ៥៦គ្រាប់ របូតវិញ ២៧គ្រាប់
-វិសាខា រកបាន ៤៨គ្រាប់ របូតវិញ ៣៩គ្រាប់
-ព្រៃវែង រកបាន ៤២គ្រាប់ របូតវិញ ៥៥គ្រាប់
-កងយោធពលខេមរភូមិន្ទ រកបាន ៤១គ្រាប់ របូតវិញ ៣៧គ្រាប់
-អាយអេសអាយ ដង្កោសែនជ័យ រកបាន ៣៩គ្រាប់ របូតវិញ ៤៩គ្រាប់
-អង្គរថាយហ្គឺរ រកបាន ៣៥គ្រាប់ របូតវិញ ៧៣គ្រាប់
-ណាហ្គាវើលដ៍ រកបាន ៣៥គ្រាប់ របូតវិញ ៤៧គ្រាប់
-គិរីវង់សុខសែនជ័យ រកបាន ៣២គ្រាប់ របូតវិញ ៥៤គ្រាប់
តារាងចំណាត់ថ្នាក់ ត្រឹមសប្ដាហ៍ទី២៥៖
គួរបញ្ជាក់ថា ការប្រកួតពានរង្វាន់លីគកំពូលកម្ពុជា Cambodian Premier League 2023-24 មាន ១០ក្រុមជាសមាជិកដោយត្រូវប្រកួតវិលជុំសន្សំពិន្ទុចំនួន៣ជុំ ដោយក្រុមលេខ១ ដល់លេខ៤ មានឈ្មោះឡើងទៅជុំបន្ត ប៉ះគ្នា១ជុំ សរុបពិន្ទុក្រុមមានពិន្ទុច្រើនជាងគេក្លាយជាម្ចាស់ជើងឯក។ សម្រាប់ការប្រកួតបានធ្វើឡើងកាលពីថ្ងៃទី៥ ខែសីហា ឆ្នាំ២០២៣ គ្រោងនឹងបញ្ចប់ថ្ងៃទី១២ ខែឧសភា ឆ្នាំ២០២៤ ខាងមុខ៕
