ជាថ្មីម្ដងទៀតហើយ ដែលម្ចាស់កម្មវិធី DIANO Fashion Model លោក យន់ វុទ្ធី ហៅ អេរិច បានចូលរួមចំណែកយ៉ាងសកម្មជាទីបំផុត ដើម្បីបំផុសចលនាប្រូម៉ូតផ្សព្វផ្សាយពីអត្តសញ្ញាណជាតិ ក៏ដូចជាលើកស្ទួយផលិតផលក្នុងស្រុក ដើម្បីផ្ដល់ជាឱកាសការងារដល់ប្រជាពលរដ្ឋខ្មែរគ្នាឯង តាមរយៈការច្នៃបង្កើតអាវយឺត រំដួលកម្ពុជា ដែលជាផលិតផលផលិតក្នុងប្រទេសកម្ពុជាពិតៗ កើតចេញពីស្នាដៃរបស់កូនខ្មែរ។
អាវយឺតរំដួលកម្ពុជា នេះមានមានលក់នៅហាង Diano ក្នុងតម្លៃត្រឹមតែ ៣០០០០រៀល និងប្រាក់ដុល្លារតម្លៃ ៧.៥ ដុល្លារ ជាមួយនឹងតម្លៃដ៏សមរម្យនេះម្ចាស់ហាង DIANO មិនទទួលបានផលចំណេញច្រើននោះឡើយ ព្រោះបើតាមការចែករំលែកនៅលើបណ្ដាញទំនាក់ទំនងសង្គម ការជាវអាវយឺតរំដួលកម្ពុជានេះ គឺប្រៀបដូចជាការចូលរួមធ្វើបុណ្យជាមួយគ្នា ព្រមទាំងរួមចំណែកជួយដល់សង្គមជាតិ ព្រោះថវិកាដែលបានពីការលក់អាវមួយៗនឹងផ្ដល់ជូនទៅសហគមន៍យុវជនសំរាមចំនួន ២០០០រៀល ជូនទៅមន្ទីរពេទ្យគន្ធបុប្ផា ២០០០រៀល និងជូនទៅមជ្ឈមណ្ឌលដោះមីន APOPO ចំនួន ២០០០រៀល។
សម្រាប់បងប្អូនដែលចង់ចូលរួមធ្វើបុណ្យ ក៏ដូចជាលើកស្ទួយនិងគាំទ្រផលិតផលផលិតក្នុងស្រុក អាចចូលទៅកាន់ទំព័រហ្វេសប៊ុក DIANO ឬទៅកាន់ទីតាំងហាងផ្ទាល់ដែលស្ថិតលើបណ្ដោយផ្លូវមុនីវង្ស ទល់មុខវិទ្យាល័យបឹងត្របែក។
ការចូលរួមទិញ និងប្រើប្រាស់ផលិតផលក្នុងស្រុក មិនថាជាអាវយឺត អាវក្រមា ឬសម្ភារៈប្រើប្រាស់ផ្សេងៗដូចជាកាបូបលុយ កាបូបស្ពាយ មួក គឺបានរួមចំណែកជួយបង្កើតការងារ និងបង្កើនប្រាក់ចំណូលដល់ប្រជាពលរដ្ឋខ្មែរយើងផងដែរ៕