កីឡាករ គួន ម៉ុម សមាជិករបស់ក្លិបបាល់ទះវិសាខា បានត្រឡប់មកដល់ទឹកដីកម្ពុជាវិញ កាលពីថ្ងៃទី៧ ខែមេសា ក្រោយចប់ភារកិច្ចជាមួយក្រុមបាល់ទះ Lavie Long An នៃពានរង្វាន់ជើងឯកថ្នាក់ជាតិ ជុំទី១ ប្រទេស វៀតណាម ឆ្នាំ២០២៤។
មកដល់ទឹកដីកម្ពុជា សារប័ត៌មានត្រយង បានធ្វើកិច្ចសម្ភាសន៍ជាមួយកីឡាករ គួន ម៉ុម ពីបទពិសោធន៍ថ្មី នៅវៀតណាមលើកនេះ។ សូមស្ដាបកិច្ចសម្ភាសន៍ដូចខាងក្រោម៖
ពានរង្វាន់បាល់ទះជើងឯកថ្នាក់ជាតិ ឆ្នាំ២០២៤ (GIẢI BÓNG CHUYỀN VÔ ĐỊCH QUỐC GIA 2024) នៅប្រទេសវៀតណាម បានបញ្ចប់ការប្រកួតជុំទី១ហើយ កាលពីយប់ថ្ងៃសៅរ៍ ទី៦ ខែមេសា។ ក្រោយចប់ជើងទី១ ក្រុម Lavie Long An ឈរនៅចំណាត់ថ្នាក់លេខ៧ ឈ្នះ២ ចាញ់៣ មាន៥ពិន្ទុ។
គួរដឹងថា ក្រុមបាល់ទះ Lavie Long An បានខ្ចីជើងកីឡាករ គួន ម៉ុម ពីក្លិបបាល់ទះវិសាខា សម្រាប់ជុំទី១ នៃពានរង្វាន់បាល់ទះជើងឯកថ្នាក់ជាតិ ប្រទេសវៀតណាម ឆ្នាំ២០២៤៕
