ភាពយន្តខ្មោចឆៅ Zombie ស៊ីមនុស្សដ៏ល្បីរឿង Kingdom ត្រូវបានក្រុមហ៊ុនហ្គេមយកទៅផលិតជាហ្គេមអនឡាញ។
ភាពយន្តបែប Action របស់កូរ៉េខាងត្បូង Kingdom ដែលនិយាយពីខ្មោច Zombie នេះនឹងត្រូវផលិតជាវីដេអូហ្គេមមានឈ្មោះថា «Kingdom: The Blood» ដោយហ្គេមនេះបានបញ្ចេញ Teasure ទីមួយរបស់ខ្លួនហើយតាមរយៈ Developer នៅលើ YouTube។
ហ្គេម «Kingdom: The Blood» គឺជាហ្គេមបែបរន្ធត់ ដែលនឹងដាក់ឱ្យលេងបានទាំងនៅលើទូរស័ព្ទ និង នៅលើកញ្ចក់ទូរទស្សន៍ ខណៈដែលហ្គេមនេះផ្ដោតតាមសាច់រឿងល្បីរបស់កូរ៉េខាងត្បូងបញ្ចាំងលើ Netflix មានចំណងជើងថា «Kingdom» ដែលជារឿងសាច់រឿងនិយាយពីខ្មោច Zombie ជាសំខាន់។
ប៉ុន្តែព័ត៌មានផ្សេងៗពាក់ព័ន្ធនឹងហ្គេម «The Kigndom: The Blood» នៅមិនទាន់ត្រូវបានទម្លាយឱ្យដឹងច្បាស់លាស់នោះទេ ហើយសូម្បីថ្ងៃដែលហ្គេមនេះដាក់ចេញនៅលើទីផ្សារពេលណាក៏នៅមិនទាន់បានបញ្ជាក់ឱ្យសាធារណជនបានដឹងនៅឡើយដែរ។
គួរដឹងថាហ្គេម «Kingdom: The Blood» យកតាមលំនាំរឿង «Kingdom» ភាពយន្តភាគរបស់កូរ៉េដែលបានបញ្ចាំងនៅលើ Netflix កាលពីរដូវកាលទីមួយឆ្នាំ២០១៩ ដោយរឿងនេះសម្ដែងដោយ Ju Ji Hoon, Bae Doona, Kim Sung Kyu និងតារាល្បីៗជាច្រើនរូបទៀត។
រឿងភាគដ៏ល្បីនេះក៏មានភាគពិសេសសម្ដែងដោយតារាឯកស្រីល្បី Jun Ji Hyun ដែលនិយាយពីដើមកំណើតនៃខ្មោច Zombie អុកឡុកប្រទេសកូរ៉េសម័យបុរាណ ដែលរឿងមួយភាគចប់នេះ ក៏ទទួលបានការគាំទ្រមិនចាញ់គ្នាដែរ៕
ទស្សនាវីដេអូផ្សព្វផ្សាយវីដេអូហ្គេម «Kingdom: The Blood» ខាងក្រោមនេះ ៖