បុគ្គលមានឥទ្ធិពល ឬនិយមហៅជាភាសាអង់គ្លេសថា Influencers ចំនួន ៤រូបមានដូចជា កញ្ញា រាជនី, សេង ហួរ, កញ្ញា សាលីនដា និង លោក ហេង វាសនា គឺជាមនុស្សដែលពោរពេញទៅដោយក្ដីស្រលាញ់នៅក្នុងគ្រួសារ។ យុវជនដែលមានមនុស្សតាមដានរាប់សែននាក់នៅលើបណ្ដាញសង្គមបានចេញមកបង្ហាញពីគន្លឹះសំខាន់បង្កើតភាពផ្អែមល្ហែមនៅក្នុងក្រុមគ្រួសារ នៅក្នុងវីដេអូមួយដែលបានបង្ហោះលើបណ្ដាញសង្គមកាលពីពេលថ្មីៗនេះ។
បើមើលនៅក្នុងវីដេអូដែលបានបង្ហោះនៅលើ គេហទំព័រហ្វេសប៊ុកផ្លូវការរបស់ក្រុមហ៊ុន កូកា-កូឡា ខេមបូឌា https://www.facebook.com/CocaColaKH និងទំព័រ Instagram: https://www.instagram.com/cocacola_kh តារាល្បីៗវ័យក្មេងទាំងអស់នោះ និង អ្នកម៉ាក់ពួកគេបានរៀបរាប់អំពីចំណងគ្រួសារដ៏ពិសេសរបស់ពួកគាត់ ដោយក្នុងនោះមានទាំងនិយាយដល់ អាហារប្រចាំត្រកូល និងល្បែងប្រពៃណីខ្មែរថែមទៀតផង។
វីដេអូដែលបានបង្ហោះលើគេហទំព័រផ្លូវការរបស់ក្រុមហ៊ុន កូកា-កូឡា ខេមបូឌា មានកញ្ញា សារី សុវត្តី ជាអតីតម្ចាស់តំណែងបវរកញ្ញាពិភពលោកឆ្នាំ២០២១ (Miss World Cambodia 2021) បានបង្ហាញឱ្យឃើញពីជីវិតរបស់ Influencers ទាំង៤ ដែលល្បីល្បាញដោយសារភាពប៉ិនប្រសប់ផ្នែក ម៉ូដសំលៀកបំពាក់ ជីវិតស៊ីវីល័យ ម្ហូបអាហារ និងការបង្កើតមាតិកានៅលើប្រព័ន្ធផ្សព្វផ្សាយសង្គម ដូចជា Facebook, TikTok, YouTube និង Instagram បានចែករំលែករូបមន្ដថែរក្សាចំណងគ្រួសារប្រកបដោយភាពស្និទ្ធស្នាលផ្អែមល្ហែម។ លោក ហេង វាសនា ប្រាប់ថាអ្វីដែលសំខាន់ គឺត្រូវបើកចិត្តនិយាយឲ្យស្មោះត្រង់ និងបង្ហាញពីក្តីស្រឡាញ់តាមកាយវិការ ដូចជា ការឱបរឹត និងថើបជាដើម។ រីឯ កញ្ញា រាជនី វិញបានរំលឹកថា ជីវិតសិល្បៈរបស់គាត់ ឈានដល់សព្វថ្ងៃ ក៏ដោយសារតែមានការជ្រោមជ្រែងពីគ្រួសារផងដែរ។ ចំណែក សេង ហួរ ឯណោះក៏បានរំឭកពីការលះបង់របស់អ្នកម៉ាក់ ដែលសុខចិត្តញុំាក្តាមប្រៃ ដើម្បីឲ្យកូនបានញុំាអាហារឆ្ងាញ់ៗ ដែលរំលេចឱ្យឃើញនូវទឹកចិត្តអ្នកម្ដាយចំពោះកូន។ កញ្ញា សាលីនដា បង្ហើបថា គ្រួសារចុះសម្រុងគ្នា ទាមទារឱ្យមានការយោគយល់ទាំងសងខាង។
បើនិយាយអំពីល្បែងប្រជាប្រិយវិញ លោក ហេង វាសនា និង សេង ហួរ ចូលចិត្តលេងបោះអង្គញ់ដូចគ្នា។ ចំណែកឯ កញ្ញា រាជនី វិញចូលចិត្តវាយក្អម ហើយ កញ្ញា សាលីនដា ចូលចិត្តលាក់កន្សែង។ ចំនុចមួយដែលតារាបណ្ដាញសង្គមទាំងនេះយល់ឃើញដូចគ្នានោះគឺថា ពិធីបុណ្យចូលឆ្នាំថ្មីប្រពៃណីជាតិខ្មែរ គឺជាពេលវេលាដ៏ពិសេសប្រចាំឆ្នាំ ហើយពួកគេឲ្យតម្លៃទៅលើការចំណាយពេលវេលាស្វែងរកចំណង់ចំនូលចិត្តប្លែកៗតែដូចគ្នា។
ដោយយល់ឃើញថា ពិធីបុណ្យចូលឆ្នាំថ្មីប្រពៃណីជាតិខ្មែរ គឺជាពេលវេលាដ៏ពិសេសប្រចាំឆ្នាំ សម្រាប់ប្រជាជនកម្ពុជាទាំងអស់ ក្រុមហ៊ុន កូកា-កូឡា កម្ពុជា បានចាប់ផ្តើមយុទ្ធនាការលើកទឹកចិត្តយុវជនសម័យថ្មី (Gen Z) បង្កើនភាពស្និទ្ធស្នាល និងស្វែងរកចំណង់ចំណូលចិត្ដរួមមួយ ដើម្បីបង្កើតបរិយាកាសរីករាយក្នុងក្រុមគ្រួសារ។ យុទ្ធនាការរបស់ កូកា-កូឡា ផ្តោតលើការបង្កើនបទពិសោធន៍ ស្និទ្ធស្នាលជាមួយគ្នា ជាពិសេសការទទួលទានអាហាររួមគ្នាក្នុងឱកាសចូលឆ្នាំខ្មែរ។
ក្រុមហ៊ុនភេសជ្ជៈដ៏ធំនេះ បានដាក់តាំងបង្ហាញគោមផ្កាយដែលដើរដោយថាមពលពន្លឺព្រះអាទិត្យនៅទីតាំងសំខាន់ៗទូទាំងប្រទេសកម្ពុជា។ យុទ្ធនាការតាំងគោមផ្កាយបានចាប់ផ្តើមតាំងពីថ្ងៃទី ៩ ខែមីនាមកម្ល៉េះ។ សម្រាប់បងប្អូនដែលមិនបានធ្វើដំណើរទៅកម្សាន្តនៅតាមរមណីយដ្ឋានផ្សេងៗ អាចថតរូបលេងជាមួយនឹងគោមផ្កាយនេះទុកជាអនុស្សាវរីយ៍បាន។
វីដេអូចលនាលឿន (time-lapse) នៃចង្កៀងគោមផ្កាយបានផលិត និងបង្ហោះនៅលើប្រព័ន្ធផ្សព្វផ្សាយសង្គម៖ https://www.facebook.com/watch/?v=241886398947059
បើតាមការរៀបរាប់របស់ក្រុមហ៊ុន Coca-Cola បានឱ្យដឹងថា កូកា-កូឡា គឺជាក្រុមហ៊ុនភេសជ្ជៈដែលមានផលិតផលលក់ដ៏ធំជាងគេមួយ ដោយផលិតផលរបស់ក្រុមហ៊ុនមានលក់នៅជាង ២០០ ប្រទេសនិងតំបន់។ ក្រុមហ៊ុនកូកា-កូឡាកម្ពុជា មានបុគ្គលិកប្រមាណជាង ៨៣០ នាក់ កំពុងបំពេញការងារដោយផ្ទាល់ និងប្រមាណជាង ៨.០០០ នាក់ទៀតបំពេញការងារដោយប្រយោល នៅទូទាំងប្រទេស។ ក្រុមហ៊ុនពិតជាមានមោទនភាព ដែលមានបុគ្គលិកជាជនជាតិខ្មែរលើសពី ៩៩,៧ ភាគរយដែលក្នុងនោះ ស្ត្រីជាង ៦០ ភាគរយ ហើយស្ត្រីកាន់តួនាទីក្នុងគណៈគ្រប់គ្រងជាន់ខ្ពស់ក្រុមហ៊ុនមានរហូតដល់ទៅ ៣៧ ភាគរយ ។ ក្រុមហ៊ុនប្តេជ្ញានឹងលើកកម្ពស់ស្ត្រី ដើម្បីសម្រេចឱ្យបានចំនួនបុគ្គលិកជាស្ត្រី ៥០ ភាគរយនៅត្រឹមឆ្នាំ ២០៣០ ៕