អ្នកជំនាញដើរម៉ូដ និងជាអ្នកមានបទពិសោធន៍ជោគជ័យនៅក្នុងវិស័យហ្វេសសិន លោក Ka Loei James គឺជាបុគ្គលម្នាក់ដែលឧស្សាហ៍ចេញចូលប្រទេសកម្ពុជា ហើយក៏ស្គាល់ពីចរិតពលរដ្ឋខ្មែរច្បាស់លាស់ លោក បានលើកពីហេតុផលមកបញ្ជាក់ច្បាស់ៗ ពីមូលហេតុដែលធ្វើឱ្យលោកលង់ចិត្តស្រលាញ់ប្រទេសកម្ពុជា។
កាលពីថ្ងៃទី១៨ ខែមេសា លោកបានបង្ហោះចែករំលែកសាររបស់ខ្លួន នៅក្រោយពេលដែលភ្លើងជម្លោះវប្បធម៌រវាងកម្ពុជា និងថៃ កំពុងតែឆាបឆេះ នៅមិនទាន់អាចរកវិធីសាស្ត្រមកពន្លត់បាន ព្រោះភាគី អ្នករកប្រាក់តាមអ៊ីនធឺណីតក្ដៅជនជាតិថៃ និង បេក្ខភាពស្រីស្អាតពីវេទិកាប្រកួតសម្រស់ក្ដី បានផុសដោយបំពានមកលើប្រទេសកម្ពុជា ទាំងដែលមិនមែនជាការពិតទាល់តែសោះ។
លោកបានសរសេរជាភាសាកំណើត ដោយសារព័ត៌មានត្រយងសូមប្រែសម្រួលខ្លឹមសារជូនដូចតទៅ «តូចចិត្តហេតុអីត្រូវគិតថា យើងតោងល្បីឬរកស៊ីបានតែជាមួយប្រទេសកម្ពុជា មិនព្រមសួរហេតុផលបន្តិចទេឬ ថាហេតុអ្វីយើងលង់ស្រលាញ់ប្រទេសនេះ ហើយគាំទ្របេក្ខភាពបវរកញ្ញាប្រទេសនេះ ដឹងឱ្យច្បាស់សិនចាំយកទៅនិយាយរិះគន់ យើងទៅប្រទេសគេរាល់ដងគេស្វាគមន៍យើងយ៉ាងល្អមើលថែទាំងបានឥតខ្ចោះ តើមានអីប្លែកដែលយើងទៅគាំទ្រប្រទេសរបស់គេ? ជាមិត្តមនុស្សដូចគ្នាទាំងអស់ ហើយម្យ៉ាងទៀតយើងមានមិត្តភក្ដិល្អ និងគួរឱ្យស្រលាញ់ជាច្រើននាក់នៅក្នុងប្រទេសនេះ ឈប់គិតថាយើងរកស៊ីទៀត បើសិនបានឮនិយាយអីចឹងម្ដងទៀត នឹងតេទៅនិយាយគ្នាឱ្យច្បាស់ហើយវាយ៉ាងម៉េច? ដាស់តឿនលើកទីមួយ
ការលើកឡើងរបស់លោក ពិតជាមានភាពប្រាកដនិយមហើយមានអំណះអំណាងច្បាស់លាស់ជាតឹកតាងបញ្ជាក់ មិនមែនចេះតែនិយាយតាមនឹកឃើញដោយគ្មានការសិក្សាស្រាវជ្រាវឱ្យច្បាស់ជាមុននោះឡើយ៕
