មិនដឹងថាមានរឿងអ្វី ឬមានបញ្ហាបែបណា ស្រាប់តែគេឃើញតារាចម្រៀង ខាន់ ជេមស៍ ចេញមកបង្ហោះសារប្លែកមួយ ដែលគេកម្រនឹងឃើញលោកបង្ហោះ Status បែបនេះណាស់។
កាលពីថ្ងៃទី២០ ខែមេសា កន្លងទៅតារាចម្រៀងដ៏ល្បីបានចេញមកបង្ហោះសារខ្លី ដែលខ្លឹមសារដូចជាចង់សំដៅដល់អ្នកណាម្នាក់ គ្រាន់តែលោកមិនបញ្ចេញឈ្មោះប៉ុណ្ណោះ។ សាររបស់លោក ខាន់ ជេមស៍ ដែលបានរៀបរាប់នោះគឺ៖ «មនុស្សថ្លៃថ្នូរ មិនអាចធ្វើរឿងថោកទាបបានទេ។ តែមានអ្នកខ្លះសម្ដែងធ្វើជាថ្លៃថ្នូរ ពេលបាត់បង់ផលប្រយោជន៍ បញ្ចេញកន្ទុយមកភ្លាម!»
ក្រោយធ្វើឱ្យអ្នកគាំទ្រលោកមានចម្ងល់ ថាតើតារាចម្រៀង និងជាអ្នកជំនួញរូបនេះចង់សំដីដល់អ្នកណានោះ ស្រាប់តែក្រោយមក ផុសនោះត្រូវបានលុបចោលទៅវិញបាត់ ដែលរឹតតែធ្វើឱ្យសាធារណជនចាប់អារម្មណ៍ទ្វេរឡើងហើយកំពុងតាមដានចង់ដឹងថា តើបុគ្គលដែលលោកកំពុងតែរំលឹកដល់នោះគឺជាអ្នកណា?
