ក្រោយចាកចេញពីខេត្តសៀមរាបទៅរស់នៅអាល្លឺម៉ង់ជាមួយស្វាមីមួយរយៈធំ ម្ចាស់ទំព័រហ្វេសប៊ុក Monika & Michael / Germany អ្នកនាង ម៉ូនីកា មានឱកាសបានត្រលប់មកទឹកដីកំណើតវិញជាមួយស្វាមី ហើយបានឆ្លៀតឱកាសចូលរួមផ្សព្វផ្សាយពីអត្តសញ្ញាកម្ពុជាឱ្យពិភពលោកបានស្គាល់ច្បាស់មិនច្រឡំសាសន៍ដទៃ។
អ្នកនាង Monika និងស្វាមីបានចូលរួមកម្មវិធីសង្ក្រាន្តដើម្បីអបអរបុណ្យចូលឆ្នាំថ្មីប្រពៃណីខ្មែរ ហើយបានថតជាវីដេអូដើម្បីបង្ហោះផ្សព្វផ្សាយលើហ្វេសប៊ុកខ្លួនដែលមានអ្នកតាមដានរហូតដល់ទៅជាង 500K។ ក្នុងនោះប្ដីប្រពន្ធទាំងពីរនាក់បានបង្ហោះចែករំលែកពីទីតាំងកម្សាន្តនានានៅក្នុងប្រទេសកម្ពុជា ល្បែងប្រជាប្រិយខ្មែរ ចំណីអាហារ ក៏ដូចជាសំលៀកបំពាក់បុរាណខ្មែរផងដែរ។
នៅក្នុងថ្ងៃទី១៩ ខែមេសា កន្លងទៅនេះ ទំព័រហ្វេសប៊ុករបស់អ្នកទាំងពីរបានបង្ហោះរូប៥សន្លឹកនៅប្រាសាទបាយ័នឬអង្គរធំ ដោយគ្រងនូវសំលៀកបំពាក់បុរាណខ្មែរបានយ៉ាងស្រស់ស្អាត ដោយអ្នកគាំទ្របានសរសើរថារូបភាពទាំងអស់នោះថតចេញមកបានយ៉ាងស្រស់ស្អាត ប្រៀបដូចព្រះនាង និងព្រះអង្គ យាងទតប្រាសាទ។ល។ សូមទស្សនារូបភាពខាងក្រោមនេះ៖
