ពានរង្វាន់បាល់ទាត់យុវជនក្រោមអាយុ២៣ឆ្នាំប្រចាំទ្វីបអាស៊ី (2024 AFC U-23 Asian Cup) បានរកឃើញក្រុមឡើងទៅវគ្គ៨ក្រុមចុងក្រោយបណ្តើរៗហើយ ក្រោយបញ្ចប់វគ្គជម្រុះតាមពូលមួយចំនួន ស្របពេលក្រុមបាល់ទាត់ពីតំបន់អាស៊ានចំនួន២មានឈ្មោះឡើងទៅជុំបន្ត ហើយ២ក្រុមទៀតអស់សិទ្ធប្រកួត។
តារាងចំណាត់ថ្នាក់តាមពូលនីមួយៗ ខណៈពូល D សល់ម្នាក់១ប្រកួតទៀត៖
ដូច្នេះក្រុមដែលមានឈ្មោះឡើងទៅវគ្គ៨ក្រុមចុងក្រោយដូចជា៖
ពូល A៖ កាតារ, ឥណ្ឌូណេស៊ី
ពូល B៖ កូរ៉េខាងត្បូង, ជប៉ុន
ពូល C៖ អ៊ីរ៉ាក់, អារ៉ាប៊ីសាអ៊ូឌីត
ពូល D៖ អ៊ូបេគីស្ថាន, វៀតណាម (សល់ម្នាក់១ប្រកួតទៀត)
✨ 𝐐𝐔𝐀𝐋𝐈𝐅𝐈𝐄𝐃 ✨
— #AsianCup2023 (@afcasiancup) April 21, 2024
🇮🇩 Indonesia. Debutants. Quarter-Finals. Historic!#AFCU23 pic.twitter.com/uJgT8rNCIQ
សម្រាប់ទ្វីបអាស៊ី បានកំណត់ថាក្រុមដែលមានឈ្មោះឡើងទៅវគ្គពាក់កណ្តាលផ្ដាច់ព្រ័ត្រ 2024 AFC U-23 Asian Cup មានឈ្មោះទៅចូលរួមប្រកួតក្នុងព្រឹត្តិការណ៍កីឡាអូឡាំពិក 2024 Summer Olympics នៅទីក្រុងប៉ារីស ប្រទេសបារាំង ក្នុងខែមិថុនា-កក្កដា ខាងមុខ។ យ៉ាងណាក្តីក្រុមចំណាត់ថ្នាក់លេខ១ដល់លេខ៣មានឈ្មោះឡើងទៅវគ្គចែកពូល ហើយក្រុមចំណាត់ថ្នាក់លេខ៤មានឈ្មោះប្រកួតជម្រុះជាមួយប្រទេសហ្គីណេ មកពីទ្វីបអាហ្វ្រិក នៅថ្ងៃទី៩ ខែឧសភា ឆ្នាំ២០២៤ ក្នុងទីលាន Kyoto Stadium ប្រទេសជប៉ុន ដណ្តើមកៅអីឆ្លងទៅវគ្គចែកពូល។
ពានរង្វាន់ AFC U-23 Asian Cup ត្រូវបានសហព័ន្ធកីឡាបាល់ទាត់អាស៊ី បង្កើតឡើងដំបូងក្នុងឆ្នាំ២០១៣ ហើយក្រុមអ៊ីរ៉ាក់ ជាម្ចាស់ជើងឯកឆ្នាំដំបូង ខណៈនៅឆ្នាំ២០១៦ ជើងឯកបានទៅក្រុមជប៉ុន ២ឆ្នាំបន្តឆ្នាំ២០១៨ ជើងឯកបានទៅអ៊ូបេគីស្ថាន ឆ្នាំ២០២០ ជើងឯកបានទៅកូរ៉េខាងត្បូង និងឆ្នាំ២០២២ ជើងឯកបានទៅអារ៉ាប៊ីសាអ៊ូឌីត៕