ក្រុមខ្លាំងអូស្រ្តាលី Central Coast Mariners បានយកឈ្នះក្រុម Abdysh-Ata Kant ក្នុងវគ្គផ្ដាច់ព្រ័ត្រវគ្គ Play-off អន្តរតំបន់ នៅកីឡដ្ឋាន Central Coast បន្តឡើងទៅកាន់វគ្គផ្ដាច់ព្រ័ត្រ នៃពានរង្វាន់ AFC Cup ឆ្នាំ២០២៣-២៤។
ជ័យជម្នះរបស់ Central Coast Mariners ដោយបានយកឈ្នះលើកក្រុមខ្លាំងមកពីកៀហ្ស៊ីស៊ីស្ថាន Abdysh-Ata Kant ជើងទី១ ក្នុងលទ្ធផល ១-១ ខណ:ជើងទី២ ក្នុងលទ្ធផល ៣-០ (សរុបទាំង២ជើង ៤-១) ។
ដូចនេះ ក្រុមខ្លាំងអូស្រ្តាលី នឹងត្រូវឡើងទៅកាន់វគ្គផ្ដាច់ព្រ័ត្រជួបក្រុម Al Ahed មកពីលីបង់ ដោយការប្រកួតនឹងត្រូវធ្វើឡើងនៅថ្ងៃទី០៥ ខែឧសភា ឆ្នាំ២០២៤ ខាងមុខនេះ។
គួរបញ្ជាក់ថា ពានរង្វាន់នេះបែងចែកជាតំបន់ចំនួន៥ មានអាស៊ីខាងលិច អាស៊ីខាងកើត អាស៊ីកណ្តាល អាស៊ីខាងត្បូង និងអាស៊ីអាគេ្នយ៍ ខណ:តំបន់អាស៊ាន ASEAN ZONE (ពូល F,G,H) ការប្រកួតទី១ គ្រោងនឹងធ្វើឡើងចន្លោះថ្ងៃទី១៨ រហូតដល់ថ្ងៃទី២១ ខែកញ្ញ ឆ្នាំ២០២៣៕