ព្រះខ័នរាជស្វាយរៀង គ្រងជើងឯកពានរង្វាន់បាល់ទាត់ សម្តេចតេជោ ហ៊ុន សែន (Hun Sen Cup) ថ្នាក់ជាតិ ជាលើកទី៥ នៅរដូវកាល ឆ្នាំ២០២៣-២៤នេះ ក្រោយយកឈ្នះ ភ្នំពេញក្រោន ក្នុងលទ្ធផល ១ទល់និង០ នៅក្នុងពហុកីឡដ្ឋានជាតិ នារាត្រីថ្ងៃទី២៨ ខែមេសា ឆ្នាំ២០២៤។
នាមជាក្រុមដែលឈ្នះជើងឯកពានរង្វាន់បាល់ទាត់ សម្តេចតេជោ ហ៊ុន សែន (Hun Sen Cup) ថ្នាក់ជាតិ ព្រះខ័នរាជស្វាយរៀង ធ្លាប់ឈ្នះ ៤សម័យកាលរួមមកហើយរួមមាន (២០១១,២០១២,២០១៥,២០១៧)។
ចំណាត់ថ្នាក់ពានរង្វាន់បាល់ទាត់ សម្តេចតេជោ ហ៊ុន សែន (Hun Sen Cup) ថ្នាក់ជាតិ នៅរដូវកាល ឆ្នាំ២០២៣-២៤៖
ជើងឯក៖ ព្រះខ័នរាជស្វាយរៀង
ជើងឯករង៖ ភ្នំពេញក្រោន
លេខ៣៖ វិសាខា
លេខ៤៖ បឹងកេត
ក្នុងនោះកីឡាករ De Liveira Bastos Jonata របស់ក្លិបបាល់ទាត់វិសាខា ទទួលបានពានរង្វាន់កីឡាករទាត់បាល់បញ្ចូលទីច្រើនជាងគេ និងកីឡាករ សារ៉េត គ្រីយ៉ា របស់ព្រះខ័នរាជស្វាយរៀង ទទួលបានពានរង្វាន់កីឡាករល្អជាងគេ ប្រចាំពានរង្វាន់សម្ដេចអគ្គមហាសេនាបតីតេជោ ហ៊ុន សែន លើកទី១៧ (ថ្នាក់ជាតិ) រដូវកាលឆ្នាំ២០២៣/២៤។
ខាងក្រោមនេះគឺជាម្ចាស់ជើងឯកដែលនៅធ្លាប់ឈ្នះ Hun Sen Cup៖
១) ព្រះខ័នរាជស្វាយរៀង ឈ្នះ ៥សម័យកាល (២០១១,២០១២,២០១៥,២០១៧, ២០២៣)
២) វិសាខា ធ្លាប់ឈ្នះ៣សម័យកាល (២០២០,២០២១,២០២២)
៣) ភ្នំពេញក្រោន ធ្លាប់ឈ្នះ២សម័យកាល (២០០៨,២០០៩)
៤) ណាហ្គាវើល ធ្លាប់ឈ្នះ១សម័យកាល (២០១៣)
៥) បឹងកេត ធ្លាប់ឈ្នះ១សម័យកាល (២០១៩) ចំណែកក្រុមខេមរាកីឡា ដែលធ្លាប់ឈ្នះជើងឯកកាលពីរដូវកាលទី១ ក្នុងឆ្នាំ២០០៧ កន្លងទៅបានរំសាយក្លិបបាត់ទៅហើយ៕
