ក្រុមខ្លាំងទាំង ៦បានកក់កៅអី វគ្គ Playoff រួចរាល់ក្នុងការប្រកួតកីឡាអេឡិចត្រូនិកលំដាប់កំពូលក្នុងប្រទេស កម្ពុជា MPL-KH Season 6 វិញ្ញាសា Mobile Legends: Bang Bang ក្រោយជម្រុះវគ្គសន្សំពិន្ទុ (Regular Season) បញ្ចប់សប្ដាហ៍ទី៥ កាលពីថ្ងៃទី២៨ មេសារួមមក។
ក្នុងនោះក្រុមខ្លាំងទាំង ៨រួមមាន៖
- ក្រុម CFU Gaming ឈរកំពូលតារាង មាន ១៦ពិន្ទុ
- ក្រុម Team Flash KH ឈរលេខ២ មាន១៦ពិន្ទុ
- ក្រុម DRoar Legendsលេខ៣ មាន ១២ពិន្ទុ
- ក្រុម See You Soon លេខ៤ មាន ពិន្ទុ
- ក្រុម Duck Rice Esport លេខ៥ មាន ៨ពិន្ទុ
- ក្រុម PRO Esports លេខ៦ មាន ៨ពិន្ទុ
ស្របពេលដែល ២ក្រុមគឺ Team Max និង Team SV បានធ្លាក់ចេញពីការប្រកួត នៅរដូវកាលនេះ ក្រោយមានពិន្ទុតិចជាងគេ។
ការប្រកួតវព្រ័ត្រ (Playoffs) នឹងត្រូវធ្វើឡើងនៅថ្ងៃទី១៥ ដល់១៩ ខែឧសភា ឆ្នាំ២០២៤។ ដោយ CFU Gaming និង Team Flash KH ឡើងទៅឈរចាំនៅវគ្គ Upper Bracket Semifinals ខណ: ៤ក្រុមទៀត នឹងធ្វើការប្រកួតប្រជែងនៅវគ្គ Upper Bracket Quarterfinals ក្រុមដែលឈ្នះ នឹងឡើងទៅជួប ក្រុម Upper Bracket Semifinals។ ក្រុមចាញ់ នឹងត្រូវប៉ះគ្នានៅវគ្គ Lower Bracket Semifinal។
ការប្រកួត MPL-KH មានការចូលរួមពី ៨ក្រុមខ្លាំហើយបានប្រមូលផ្តុំទៅដោយកីឡាករអាជីពទាំងក្នុង និងកីឡាករអាជីពពីបរទេសចូលរួមជាច្រើន៖ក្រុម SEE YOU SOON, CFU GAMING, BURN X FLASH (FLASH KH), TEAM MAX, D-ROAR Legends, PRO ESPORTS, TEAM SV និងក្រុម Duck Rice Esport។
សម្រាប់ការប្រកួត 2024 MPL-KH នេះ ក្រុមដែលជាម្ចាស់ជើងឯកនឹងមានកៅអីនៅប្រកួតនៅ Mid Season Cup (MSC) ដែលនឹងត្រូវធ្វើឡើងនៅទីក្រុម Riyadh ប្រទេស អារ៉ាប់ប៊ីសាអ៊ូឌីត ដែលមានប្រាក់រង្វាន់សរុបប្រមាណជា ៣លានដុល្លារ៕
