គិតត្រឹមពេលនេះ គណៈកម្មការបានរកឃើញក្រុមខ្លាំងឡើងទៅដល់វគ្គផ្ដាច់ព្រ័ត្រនៃពានរង្វាន់បាល់ទាត់ឆ្នេរខ្សាច់ជើងឯកពិភពលោក 2021 FIFA Beach Soccer World Cup ហើយដែលកំពុងរៀបចំនៅទីក្រុងម៉ូស្គូ ប្រទេសរុស្ស៊ី ដោយក្រុមជប៉ុន ឡើងទៅប៉ះម្ចាស់ផ្ទះ។
សម្រាប់លទ្ធផលប្រកួតវគ្គ៨ក្រុមចុងក្រោយមាន៖
-សេណេហ្គាល់ ៥-៤ ប្រេស៊ីល
-ស្វីស ១០-១ អ៊ុយរុយហ្គាយ
-ហៃទី ៥-៤ ជប៉ុន
-រុស្ស៊ី ៤-២ អេស្ប៉ាញ
លទ្ធផលវគ្គពាក់កណ្ដាលផ្ដាច់ព្រ័ត្រ៖
-រុស្ស៊ី ៥-៥ (៤-៥) ស្វីស
-ជប៉ុន ៥-២ សេណេហ្គាល់
អាទិត្យ ២៩ សីហា ២០២១៖
កម្មវិធីប្រកួតវគ្គផ្ដាច់ព្រ័ត្រ៖ រុស្ស៊ី ប៉ះ ជប៉ុន
កម្មវិធីប្រកួតវគ្គដណ្តើមចំណាត់ថ្នាក់លេខ៣៖ស្វីស ប៉ះ សេណេហ្គាល់
ពានរង្វាន់ 2021 FIFA Beach Soccer World Cup មានក្រុមចូលរួមចំនួន១៦ក្រុមមកពី៦ទ្វីបផ្សេងគ្នា ដោយបែងចែកជា៤ពូលប្រកួតពីថ្ងៃទី១៩ ដល់ថ្ងៃទី២៩ ខែសីហា ឆ្នាំ២០២១ នៅលើទីលាន Luzhniki Beach Soccer Stadium។ គិតត្រឹមពេលនេះមានកីឡាករ Dejan Stankovic រកគ្រាប់បាល់បានច្រើនជាងគេគឺរហូតដល់១០គ្រាប់ម្នាក់ឯង។
ពានរង្វាន់បាល់ទាត់លើឆ្នេរខ្សាច់នេះរៀបចំឡើងដំបូងពីឆ្នាំ១៩៩៥ មកម៉្លេះ ដោយរាល់១ឆ្នាំម្តង ដោយប្រើឈ្មោះថា Beach Soccer World Championships ប៉ុន្តែនៅឆ្នាំ២០០៥ បានប្តូរឈ្មោះទៅជា FIFA Beach Soccer World Cup។ ក្រុមប្រេស៊ីល ឈ្នះជើងឯកបានច្រើនជាងគេគឺរហូតដល់១៤លើក៕
