ប្រុសស្អាត Lee Jong Suk តារាឯកល្បីសំណព្វចិត្តអ្នកគាំទ្រនារីៗពីភាពយន្តភាគកូរ៉េ «W:Two World» នឹងក្លាយជាស្វាមីរបស់ស្រីស្រស់ Im YoonA នៅក្នុងខ្សែភាពយន្តភាគថ្មីមួយរបស់ TVN រឿង «Big Mouth»។
នៅព្រឹកថ្ងៃទី១ ខែកញ្ញា ឆ្នាំ២០២១ ប៉ុស្ដិ៍ TVN បានប្រកាសរឿងភាគថ្មីរបស់ខ្លួន មានចំណងជើងថា «Big Mouth» ដែលរឿងនេះនិយាយពីមេធាវីមួយរូប ស្រាប់តែក្លាយជាមនុស្សបោកប្រាស់ម្នាក់ត្រឹមតែមួយយប់។
រឿងនេះ Lee Jong Suk នឹងសម្ដែងជាតួអង្គម្នាក់ឈ្មោះ Park Chang Ho ជាមេធាវីម្នាក់ដែលដើរក្ដីនៅតុលាការមានសង្ឃឹមឈ្នះត្រឹមតែ១០%ប៉ុណ្ណោះ។ ព្រោះតែគេជាមនុស្សនិយាយច្រើនជាងសកម្មភាព ធ្វើឱ្យមេធាវីផ្សេងៗដាក់ឈ្មោះហៅក្រៅឱ្យគេគឺ «Big Mouth» ឬ «មាត់ធំ»។
ថ្ងៃមួយនៅពេលគេក្រោកពីគេង គេស្រាប់តែក្លាយជាគោលដៅ បុរសបោកប្រាស់ដ៏ល្បីមាត់ធំ ដូច្នេះជីវិតរបស់គេបានធ្លាក់ចូលក្នុងគ្រោះថ្នាក់។ តារាចម្រៀងល្បី YoonA នឹងសម្ដែងជាតួអង្គម្នាក់ឈ្មោះ Ko Mi Ho គិលានុប្បដ្ឋាយិការូបស្អាតជាភរិយារបស់ Park Chang Ho ។
ក្រោយជាជំនួយធ្វើឱ្យស្វាមីខ្លួនក្លាយជាមេធាវីដ៏ជោគជ័យម្នាក់ Ko Mi Ho បានឮរឿងដែលស្វាមីខ្លួនក្លាយជាអ្នកបោប្រាស់ជំនាញ ដូច្នេះនាងចាប់ផ្ដើមធ្វើយ៉ាងណាដកឈ្មោះនេះចេញពីស្វាមីរបស់ខ្លួន។
សម្រាប់រឿងភាគថ្មីរបស់ទូរទស្សន៍ TVN «Big Mouse» នឹងបញ្ចាំងនៅលើកញ្ចក់ទូរទស្សន៍ TVN នាកំឡុងឆ្នាំ២០២២ ខាងមុខនេះ៕
