ក្រុមបាល់ទះជម្រើសជាតិថៃ បានចេញដំណើរទៅប្រកួតក្នុងពានរង្វាន់បាល់ទះជើងឯកប្រចាំទ្វីបអាស៊ី 2021 Asian Men’s Volleyball Championship គ្រោងធ្វើនៅប្រទេសជប៉ុន ពាក់កណ្ដាលខែកញ្ញា ឆ្នាំ២០២១ នេះ ខណៈថៃ ជាក្រុមតែមួយគត់ក្នុងតំបន់អាស៊ាន មានឈ្មោះចេញទៅចូលរួមប្រកួតប្រចាំពានរង្វាន់នេះ។
បើតាមការបញ្ជាក់របស់សហព័ន្ធកីឡាបាល់ទះថៃ លោក Titiracht Kasudom ដែលជាគ្រូបង្វឹកបានដឹកនាំកីឡាករ១៤ មានYodsapong Wattana, Adipong Phonpinyo, Assanaphan Chantajorn, Kittithad Nuwaddee, Thanathat Thaweerat,Aekkawee Bangsri,Kroekpong Pensuk,Soranan Nuampara,Wuttithaporn Yookong,Anut Promchan, Jirapat Bunka,Chaipipat Buaket,Montri Puanglib, Jakkrapong Tongklang។
ការប្រកួតប្រកួតពានរង្វាន់ជើងឯកប្រចាំទ្វីបនេះនឹងធ្វើឡើងនៅទីក្រុង Chiba និង Funabashi ពីថ្ងៃទី១២ ដល់១៩ ខែកញ្ញា ឆ្នាំ២០២១ ដោយមាន១៦ក្រុមខ្លាំងៗមកពីជុំវិញទ្វីប ដែលបានចាប់ឆ្នោតបែងចែកជា៤ ពូលផ្សេងគ្នា។
ពានរង្វាន់ Asian Men’s Volleyball Championship រៀបចំឡើងតាំងពីឆ្នាំ១៩៧៥ មកដោយធ្វើឡើងរាល់៣ឆ្នាំម្តង ហើយក្រុមជប៉ុន ឈ្នះជើងឯកបានច្រើនជាងគេគឺរហូតដល់៩លើក ខណៈក្រុមអ៊ីរ៉ង់ ជាម្ចាស់ជើងឯកឆ្នាំចាស់ ក្រោយយកឈ្នះអូស្ត្រាលី ៣សិតទល់០ នៅទីក្រុង Tehran របស់ខ្លួន៕
