មុននេះមានព័ត៌មានធំៗ ដោយមានក្រុមអ្នកកាសែតបានបញ្ចេញនិងផ្សព្វផ្សាយរូបភាពលួចថតតារាកំប្លែងដ៏ល្បីល្បាញ លោក ចូវ ស៊ីងឈឺ ហៅទិនហ្វី វ័យ៥៩ឆ្នាំ បានប្រើប្រាស់ពេលវេលាសម្រាកផ្ទាល់ខ្លួនជាមួយនឹងស្រីស្អាតវ័យ១៧ឆ្នាំ ជា Net Idol ធ្លាប់ចូលប្រកួតបវរកញ្ញាហុងកុងឆ្នាំ២០២១ ឈ្មោះ Alice Yu Manfung ។
សូមចុចអាន ក្ដៅ! បែកធ្លាយរូបទិនហ្វី ទាក់ទងសង្សារក្មេងខ្ចីល្ហក់មានអាយុត្រឹម ១៧ឆ្នាំប៉ុណ្ណោះ
សារព័ត៌មានហុងកុង បានផ្សាយទៀតថា ទិនហ្វី បានស្គាល់នារីវ័យក្មេងចំណាស់ចៅស្រីរូបនេះតាមរយៈការមកសាកកាំមេរ៉ា (Casting) ឱ្យភាពយន្តមួយ ដោយលោកពេញចិត្តនឹងនារីវ័យក្មេង ទើបបង្កើតបានជាសម្ព័ន្ធភាពរហូតក្លាយជាស្នេហាខុសវ័យមានគំលាតអាយុ៤២ឆ្នាំ។
តែថ្មីៗនេះក្រោយបែកធ្លាយស្នេហានេះជាសាធារណៈ មានសារព័ត៌មានជាច្រើនបានព្យាយាមសាកសួរពីចំណងមិត្តភាពរវាងអ្នកទាំងពីរ គឺជាស្នេហាថ្មីរបស់ទិនហ្វីមែនឬអត់? ប៉ុន្តែមិនមានការឆ្លើយតបណាមួយចេញពីមាត់ស្ដេចកំប្លែងរូបនេះនោះទេ។
សូមចុចអាន ទិនហ្វី ច្រានចោលស្រីក្មេងអាយុ ១៧ឆ្នាំ អតីតកញ្ញាឯកហុងកុងធ្លាក់លេខមិនមែនសង្សារខ្លួន
រហូតមកដល់ថ្ងៃទី២ ខែកញ្ញា ស្រាប់តែមេធាវីរបស់លោក ទិនហ្វី (Stephen Chow) បានផ្ញើលិខិតព្រមានដោយក្នុងលិខិតនោះមានអត្ថន័យថា «មានមនុស្សល្មើសកិច្ចព្រមព្រៀង ពាក់ព័ន្ធនឹងការរក្សាការសម្ងាត់ និងមានទង្វើមិនល្អ ក្នុងនាមជាមេធាវី ស្នើសុំឱ្យភាគីម្ខាងទៀតនេះបញ្ឈប់រាល់សកម្មភាព ហើយលុបរូបដែលបានទៅដើរកម្សាន្តនៅសមុទ្រចេញជាបន្ទាន់ បើមិនដូច្នោះទេនឹងចាត់ការទៅតាមនីតិវិធីច្បាប់។
ក្រោយមានលិខិតចេញមកបែបនេះ សារព័ត៌មានហុងកុងបានទាក់ទងសាកសួរប្រភពដែលស្គាល់ Alice Yu ហើយបានចម្លើយថា នារីវ័យក្មេងរូបចង់និយាយពីរឿងនេះទៀតទេ តែភាគីនាងទទួលស្គាល់ថាបានអានលិខិតរបស់ទិនហ្វីរួចហើយ ពេលសួរដល់ចំណាប់អារម្មណ៍របស់នាងក្នុងខណៈនេះយ៉ាងណានោះ នារីដែលត្រូវគេសន្មតថាជាសង្សារថ្មីរបស់ទិនហ្វីគ្រាន់តែឆ្លើយដោយខ្លីថា «មិនសប្បាយចិត្តតិចតួចដែរ»។